အင်္ဂလန်လက်ရွေးစင်အသင်းကနေ အနားယူကြောင်း နောက်ခံလူ ထရစ်ပီယာက တရားဝင် ကြေညာသွားပါတယ်။
အသက် ၃၃ နှစ်ရှိ နယူးကာဆယ်နောက်ခံလူဟာ ပြီးခဲ့တဲ့ယူရို ၂၀၂၄ ပြိုင်ပွဲမှာ နောက်ဆုံးအကြိမ်ယှဉ်ပြိုင်ခဲ့တာဖြစ်ပြီး စုစုပေါင်း ၅၄ ပွဲ ကစားပေးခဲ့တာပါ။
ဘယ်ရီဆိုတဲ့ အသင်းငယ်လေးက လူငယ်လေးတဦးဟာ သူ့ရဲ့အမိနိုင်ငံအတွက် ၅၄ ပွဲအထိ ကစားနိုင်ခဲ့တာက မမေ့နိုင်စရာ ဖြစ်ကြောင်း၊ အင်္ဂလန်နဲ့အတူ အဓိကပြိုင်ပွဲကြီး ၄ ကြိမ် ယှဉ်ပြိုင်ခွင့်ရခဲ့တာက ဘဝရဲ့ အကြီးမားဆုံး ဂုဏ်ယူစရာဖြစ်ကြောင်း ထရစ်ပီယာက ပြောပါတယ်။
ပြီးခဲ့တဲ့နှစ်တွေအတွင်းမှာ အသင်းမှာကစားခွင့်ရဖို့ နေရာပေးခဲ့တဲ့ နည်းပြဆောက်ဂိတ်နဲ့ အသင်းဖော်တွေကို ကျေးဇူးတင်ကြောင်၊ ယူရိုဗိုလ်လုပွဲ ၂ ကြိမ်ဆက်တိုက်ရောက်ရှိခဲ့တာက မမေ့နိုင်စရာဖြစ်ကြောင်း ထရစ်ပီယာက ပြောပါတယ်။
လက်ရှိ အသင်းနည်းပြ လီကာစ်လေနဲ့ အသင်းသားတွေအနေနဲ့ အနာဂတ်မှာ အောင်မြင်မှု ရရှိပါစေကြောင်း ထရစ်ပီယာက ဆုတောင်းပေးသွားခဲ့ပါတယ်။
Photo-Reuters
