မလေးရှားအတိုက်အခံခေါင်းဆောင်နဲ့ ၀န်ကြီးချုပ်ဟောင်း မူဟစ်ဒင်ယာဆင်းဟာ ဘုရင်ဟောင်းကို စော်ကားမှုနဲ့ စွဲချက် အတင်ခံထားရတယ်လို့ သူ့ရှေ့နေက သြဂုတ် ၂၇ ရက်မှာ ပြောပါတယ်။
မူဟစ်ဒင်ရဲ့ ကိုယ်စားပြုရှေ့နေ တာကီယွတ်ဒင်ဟာဆန်းက တရားရုံးဆုံးဖြတ်ချက်တွေဟာ ယူဆချက်တွေအပေါ် အခြေခံထားလို့ မဖြစ်နိုင်ဘူးလို့ ငြင်းဆိုခဲ့ပါတယ်။
"မတောင်းဆိုခင် စွဲချက်တင်ဖို့ သက်သေအထောက်အထားတွေ တရားရုံးကို တင်ပြရမယ်"လို့ သူက ဆက်ပြောပါတယ်။
၂၀၀၀ ပြည့်နှစ်ကနေ ၂၀၂၁ ခုနှစ်အတွင်း မလေးရှားနိုင်ငံကို ၁၇ လကြာ ဦးဆောင်ခဲ့တဲ့ မူဟစ်ဒင်ဟာ အခုလအတွင်း လုပ်ခဲ့တဲ့ နိုင်ငံရေးမိန့်ခွန်းမှာ သဘောထား ကွဲလွဲမှုအတွက် အရှေ့မြောက်ပိုင်း ကယ်လန်တန်ပြည်နယ်က တရားရုံးတခုမှာ တရားစွဲခံခဲ့ရတာပါ။
အပြစ်မရှိဘူးလို့ ထွက်ဆိုခဲ့တဲ့အကြောင်း သူ့ရှေ့နေက ပြောခဲ့ပါတယ်။ မလေးရှားနိုင်ငံဟာ ထူးခြားတဲ့ ဘုရင်စနစ်ကို ကျင့်သုံးပြီး နိုင်ငံရဲ့ ဆူလတန် ၉ ယောက်ဟာ ၅ နှစ်တကြိမ် ဘုရင်အဖြစ် အလှည့်ကျ တာဝန်ထမ်းဆောင်ပါတယ်။
ဘုရင်စနစ်ဟာ ကြီးမားတဲ့ အခန်းကဏ္ဍမှာ ပါဝင်နေပြီး လေးလေးနက်နက် လေးစားခံရပါတယ်။ မင်းမျိုးမင်းနွယ်နဲ့ ပတ်သက်တဲ့ အပျက်သဘောဆောင်တဲ့ မှတ်ချက်တွေကို ကိုလိုနီခေတ်က ပြဋ္ဌာန်းထားတဲ့ နိုင်ငံတော် အကြည်ညိုပျက်စေမှု အက်ဥပဒေနဲ့ တရားစွဲနိုင်ပါတယ်။
Source-Reuters
