တပတ်လုပ်ခ ပေါင် ၅ သိန်း တောင်းဆိုသည့် အိုဆီမန်ကို ချဲလ်ဆီးအသင်း လက်လျှော့
DVB
·
August 26, 2024
လုပ်ခလစာ တောင်းဆိုမှုများပြားတဲ့ တိုက်စစ်မှူး အိုဆီမန်ကို ခေါ်ယူဖို့ ချဲလ်ဆီးအသင်းဘက်က လက်လျှော့သွားဖို့ ရှိပါတယ်။
အသက် ၂၅ နှစ်ရှိ နိုင်ဂျီးရီးယားတိုက်စစ်မှူးဟာ နာပိုလီအသင်းမှာ ခြေစွမ်းပြ ကစားနိုင်ခဲ့တာကြောင့် ထိပ်တန်းအသင်းကြီးတွေက ခေါ်ယူလိုနေတာပါ။
ချဲလ်ဆီးအသင်းဘက်ကလည်း အိုဆီမန်ကို ခေါ်ယူလိုပေမဲ့ လုပ်ခလစာတောင်းဆိုမှု များပြားနေတာက အခက်တွေ့စေတယ်လို့ သိရပါတယ်။
အိုဆီမန်ဟာ တပတ်လုပ်ခပေါင် ၅ သိန်းအထိ ပေးချေဖို့ တောင်းဆိုခဲ့တာကြောင့် ချဲလ်ဆီးအသင်းနဲ့ အဆင်မပြေဖြစ်ခဲ့တယ်လို့ သိရပါတယ်။
ချဲလ်ဆီးအသင်းဟာ အိုဆီမန်ကို ခေါ်ယူဖို့ လက်လျှော့သွားပြီဖြစ်ပေမဲ့ ဂျူဗင်တပ်က ချီယေဇာနဲ့ အဲဗာတန်တိုက်စစ်မှူး ကယ်ဗက်လူဝင်တို့ကို ခေါ်ယူဖို့ ကြိုးပမ်းသွားမယ်လို့ သိရပါတယ်။
