မန်စီးတီးနည်းပြ ဖြစ်ရတာ ဂုဏ်ယူစရာကောင်းဟု ချဲလ်ဆီးကိုနိုင်ပြီးနောက် ဂွါဒီယိုလာ ပြော
DVB
·
August 19, 2024
မန်စီးတီးအသင်းသားတွေရဲ့ နည်းပြဖြစ်ရတာက ဂုဏ်ယူစရာကောင်းကြောင်း နည်းပြဂွါဒီယိုလာ က ပြောသွားပါတယ်။
ချဲလ်ဆီးအသင်းကို ၂ ဂိုး ဂိုးမရှိနဲ့ အနိုင်ရခဲ့တဲ့ ပွဲစဉ်အပြီးမှာ အသင်းသားတွေရဲ့ စွမ်းဆောင်ရည်အပေါ် ချီးကျူးရင်း နည်းပြဂွါဒီယိုလာက ပြောခဲ့တာပါ။
ချဲလ်ဆီးနဲ့ ပွဲစဉ်မှာ အကောင်းဆုံးခြေစွမ်းရမယ်လို့ မျှော်လင့်မထားပေမဲ့ အသင်းနဲ့အတူ ၉ ရာသီမြောက် ဖြတ်သန်းမှု ဖြစ်တာကြောင့် တဦးနဲ့တဦး နားလည်မှု ရှိတာမှာ အားသာချက်ရှိကြောင်း ဂွါဒီယိုလာက ပြောပါတယ်။
အဖွင့်ပွဲစဉ်မှာ အနိုင်ရဖို့ အမြဲတမ်း ခက်ခဲတက်တဲ့ စတမ်းဖို့ဒ်ဘရစ်ချ်မှာ အနိုင်ရခဲ့တာက သတင်းကောင်းဖြစ်ပေမဲ့ နောက်ထပ် ၆၅ ပွဲလောက် ကစားရမယ့် အခြေအနေကတော့ သတင်းဆိုးဖြစ်တယ်လို့လည်း နည်းပြ ဂွါဒီယိုလာက ပြောသွားပါတယ်။
