ဗင်နီဆီယက်စ်ကို လုပ်ခ ၁၃ ဆ အထိတိုးပေးပြီး ဆော်ဒီကလပ်များ အပြိုင်ခေါ်ယူလို
DVB
·
August 14, 2024
ဆော်ဒီကလပ်တွေဟာ ရီးရဲလ်မက်ဒရစ်ကြည်ပွင့်တိုက်စစ်မှူး ဗင်နီဆီးယက်ကို လုပ်ခ ၁၃ ဆ ပေးပြီး စာချုပ်ခေါ်ယူနိုင်ဖို့ ကြိုးပမ်းနေပါတယ်။
အသက် ၂၄ နှစ်ရှိ ဘရာဇီးတိုက်စစ်ကစားသမားဟာ မက်ဒရစ်ကလပ်အတွက် စုစုပေါင်း ၂၆၄ ပွဲမှာ ၈၃ ဂိုး သွင်းယူထားတာပါ။
ဆော်ဒီကလပ် ၃ သင်းအထိ ပိုင်ဆိုင်တဲ့ ဆော်ဒီပြည်သူ့ရင်းနှီးမြှပ်နှံမှုအဖွဲ့ဟာ ဗင်နီဆီယက်စ်ကို ရီးယဲလ်မှာရရှိနေတဲ့လုပ်ခထက် ၁၃ ဆ အထိ ပေးချေပြီး ခေါ်ယူဖို့ ကမ်းလှမ်းမယ်လို့သိရပါတယ်။
ဗင်နီဆီးယက်စ်ရဲ့ လုပ်ခလစာ စုစုပေါင်း ၅ နှစ်စာအတွက် ယူရိုတစ်ဘီလီယံအထိ ပေးချေဖို့ ဆော်ဒီကလပ်တွေဘက်က အသင့်ရှိနေတယ်လို့ဆိုပါတယ်။
ဆော်ဒီလိဂ်မှာ အယ်လ်နာဆာတိုက်စစ်မှူး စီရော်နယ်ဒိုက တစ်နှစ်လုပ်ခ ယူရိုသန်း ၂၀၀ ရရှိနေပြီး လုပ်ခအများဆုံးကစားသမားအဖြစ် မှတ်တမ်းတင်ထားပါတယ်။
Photo-Reuters
