ဗီလာကွင်းလယ်လူ ဒီရာဘီကို ဆော်ဒီကလပ်က ပေါင်သန်း ၅၀ ပေးခေါ်ယူ
DVB
·
July 24, 2024
အက်စတွန်ဗီလာ ကွင်းလယ်သမား ဒီရာဘီဟာ ဆော်ဒီကလပ် အယ်အစ်တီဟတ်ကို ပေါင်သန်း ၅၀ နဲ့ ပြောင်းရွေ့ဖို့ သဘောတူညီမှု ရသွားပါတယ်။
အသက် ၂၅ နှစ်အရွက် ကွင်းလယ်သမားဟာ ဆော်ဒီကို ဆေးစစ်မှု ခံယူဖို့နဲ့ အပြီးသတ် သဘောတူညီမှုရဖို့ သွားရောက်ခဲ့ပါတယ်။
ပြင်သစ် ကွင်းလယ်လူ ဒီရာဘီကို အက်စတွန်ဗီလာက ပြီးခဲ့တဲ့ ရာသီကမှ ဂျာမန်ကလပ် လေဗာကူဆန်ကနေ အသင်းရဲ့ စံချိန်တင်ပြောင်းရွေ့ကြေး ပေါင် ၅၁ သန်းကျော် ပေးပြီး ခေါ်ယူထားတာ ဖြစ်ပါတယ်။
ဒီရာဘီဟာ ပြီးခဲ့တဲ့ ရာသီမှာ အက်စတွန်အတွက် ၅၄ ပွဲ ကစားပေးထားပြီး ၁၀ ဂိုး သွင်းယူပေးထားပါတယ်။
ဒါ့အပြင် အသင်းကို ပရီမီးယားလိဂ်မှာ အဆင့် ၄ နေရာနဲ့ ချန်ပီယံလိဂ်ဝင်ခွင့် ရအောင် ကူညီပေးထားပါတယ်။
