ပြင်သစ်တိုက်စစ်မှူး အမ်ဘာပေဟာ လိဂ် ၂ ကလပ် ကိန်းအသင်းရဲ့ရှယ်ယာအများစုကို ဝယ်ယူလိုက် ပါတယ်။

အမ်ဘာပေရဲ့ ရင်းနှီးမြှုပ်နှံမှုကုမ္ပဏီဖြစ်တဲ့ Interconnected Ventures (ICT) ဟာ အမေရိကန်ရင်းနှီးမြှုပ်နှံမှုအဖွဲ့ဆီကနေ ကိန်းအသင်းရဲ့ရှယ်ယာအများစုကို ဝယ်ယူခဲ့ပြီး ပမာဏအ သေးစိတ်ကိုတော့ ထုတ်ပြန်ကြေညာခြင်းမရှိသေးပါဘူး။

သတင်းတွေအရတော့ အစုရှယ်ယာ ယူရို ၁၅ သန်း တန်ကြေးရှိ ရှယ်ယာတွေကို ဝယ်ယူခဲ့ပြီး အမ်ဘာပေဟာ အသင်းရဲ့ရှယ်ယာအများဆုံးပိုင်ဆိုင်တဲ့သူဖြစ်လာတယ်လို့ ခန့်မှန်းသုံးသပ်ကြပါ တယ်။ 

ကိန်းအသင်းရဲ့ ဖွံ့ဖြိုးတိုးတက်မှုအတွက် အလွန်အရေးပါတဲ့ အခွင့်ရေးတခုဖြစ်ကြောင်း အသင်းဥက္ကဋ္ဌ ကတ်ပ်တွန်က ပြောပါတယ်။

ကိန်းအသင်းဟာ ၂၀၁၉ ခုနှစ်က ပြင်သစ်လိဂ် ၁ ကနေ တန်းဆင်းခဲ့ရတာပါ။ မနှစ်ကရာသီမှာတော့ လီဂူး ၂ မှာ အဆင့် ၆ နဲ့ ရာသီသိမ်းခဲ့ပြီး  တကျော့ပြန် တန်းတက်ကစားခွင့်နဲ့ လွဲချော်ခဲ့တာ ဖြစ်ပါတယ်။ 

Photo-Reuters