ဂိုးသမား အက်ဒါဆန် အသင်း၌ ဆက်ရှိရန် မသေချာဟု စီးတီးနည်းပြ ဂွါဒီယိုလာ ပြော
DVB
·
July 25, 2024
ဂိုးသမားအက်ဒါဆန်ဟာ လာမယ့်ရာသီမှာ ဆက်ရှိဖို့ မသေချာတော့ကြောင်း မန်စီးတီးနည်းပြ ဂွါဒီယိုလာက ပြောပါတယ်။
အမေရိကန်ခြေစမ်းခရီးစဉ်မှာ ဆဲလ်တစ်အသင်းကို ၄ ဂိုး၊ ၃ ဂိုးနဲ့ ရှုံးနိမ့်ခဲ့တဲ့ ပွဲစဉ်အပြီးမှာ ဂိုးသမား အက်ဒါဆန်ရဲ့ အနာဂတ်နဲ့ ပတ်သက်ပြီး နည်းပြ ဂွါဒီယိုလာက ပြန်လည်ဖြေကြားခဲ့တာပါ။
အက်ဒါဆန်ဟာ ဆဲလ်တစ်နဲ့ပွဲစဉ် ဒုတိယပိုင်းမှာ လူစားဝင်ကစားခဲ့ပါသေးတယ်။
အက်ဒါဆန်ရဲ့အခြေအနေကို အသေးစိတ် မသိရှိပေမဲ့ အပြောင်းအရွှေ့ ပိတ်သိမ်းချိန်အထိ ဆက်ရှိ နေဖို့ မသေချာသေးဘဲ ဆက်လက်စောင့်ကြည့်သွားရမှာဖြစ်တယ်လို့ ဂွါဒီယိုလာက ပြောပါတယ်။
အသက်၃၀နှစ်ရှိ အက်ဒါဆန်ဟာ ၂၀၁၇ ခုနှစ်က ဘင်ဖီကာကနေ ပြောင်းရွှေ့လာသူ ဖြစ်ပါတယ်။
Photo-Reuters
