ဆွီဒင်အိုးပန်းတင်းနစ်ပြိုင်ပွဲ ဗိုလ်လုပွဲတွင် နာမည်ကြီး ရာဖယ်နဒါးကို ဘော်ဂတ်စ်ကအနိုင်ယူ
DVB
·
July 23, 2024
ဆွီဒင်အိုးပန်း တင်းနစ်ပြိုင်ပွဲ နောက်ဆုံး ဗိုလ်လုပွဲမှာ မထင်မရှား တင်းနစ်သမား နူနို ဘော်ဂတ်စ်က စပိန်နာမည်ကြီးတင်းနစ်သမား ရာဖယ်နဒါးကို ၂ ပွဲပြတ်နဲ့ အနိုင်ရသွားပါတယ်။
အခုဗိုလ်လုပွဲမှာ ပေါ်တူဂီတင်းနစ်သမား ဘော်ဂတ်စ်က စပိန်တင်းနစ်သမား နဒါးကို ၆ -၃၊ ၆ - ၂ နဲ့ အနိုင်ရခဲ့တာပါ။
အသက် ၃၈ နှစ်အရွယ် နာမည်ကြီး ရာဖယ် နဒါးဟာ လာမယ့် ဇူလိုင် ၂၇ ရက် ပြင်သစ်နိုင်ငံ ပါရီမြို့မှာ ကျင်းပမယ့် အိုလံပစ်ပြိုင်ပွဲအတွက် ပစ်မှတ်ထားနေတာ ဖြစ်ပါတယ်။
နဒါးဟာ အိုလံပစ်တင်းနစ်ပြိုင်ပွဲတဦးချင်း ရွှေတံဆိပ်ဆုကို ၂၀၀၈ ဘေဂျင်းအိုလံပစ်မှာ ရရှိထားပါတယ်။
သူဟာ ကစားသမားတလျှောက် ဂရန်စလန်းချန်ပီယံဆု ၂၂ ကြိမ် ရဖူးထားပြီး အဲဒီအထဲမှာ ပြင်သစ်အိုးပန်း ချန်ပီယံဆုဖလားကို ၁၄ ကြိမ် ရရှိထားပါတယ်။
Photo-Reuters
