တောင်ကိုရီးယားနိုင်ငံ Samsung Electronic စက်ရုံကို အလုပ်သမားအဖွဲ့ရဲ့ သပိတ်မှောက်မှု ရက်ကန့်သတ်မထားကြောင်း အလုပ်သမားတွေရဲ့ ဝက်ဘ်ဆိုက်မှာ ဖော်ပြပါတယ်။
အလုပ်သမားအဖွဲ့က ၃ ရက် သပိတ်မှောက်ဖို့ သတ်မှတ်ခဲ့ပေမဲ့ တာဝန်ရှိသူတွေက ဆွေးနွေးခြင်းမရှိလို့ သပိတ်မှောက်ရက်ကို အကန့်အသတ်မရှိ သတ်မှတ်ခဲ့တာပါ။
Samsung Electronic ကို အလုပ်သမားတွေက တနင်္ဂလာနေ့မှာ သပိတ်မှောက်ခဲ့တာဖြစ်ပြီး အလုပ်သမား ၃၀,၀၀၀ ဆန္ဒပြနေတာဖြစ်ကာ ဒီဆန္ဒပြမှုက ကုန်ထုတ်လုပ်မှုကို ထိခိုက်မှာမဟုတ်ဘူးလို့ Samsung ကုမ္ပဏီက အစောပိုင်းမှာ ထုတ်ပြောထားပါတယ်။
ဒါပေမဲ့ Samsung ရဲ့ ရှယ်ယာနှုန်းတွေက ဗုဒ္ဓဟူးနေ့မနက်မှာ ၀ ဒသမ ၃၄ ရာခိုင်နှုန်း ကျဆင်းခဲ့ပါတယ်။
အလုပ်သမားတွေဟာ လုပ်အားခ၊ အားလပ်ရက်၊ အပိုဆုကြေးပေးမှုတို့နဲ့ ပတ်သက်ပြီး မကျေနပ်ရာကနေ သပိတ်မှောက်ဖို့ ဆုံးဖြတ်ခဲ့တာ ဖြစ်ပါတယ်။ ဒါဟာ Samsung Electronics အတွက် နှစ်ပေါင်း ၅၅ နှစ်အတွင်း ပထမဆုံးအကြိမ် အလုပ်သမားသပိတ်နဲ့ ရင်ဆိုင်ခဲ့ရတာပါ။
အလုပ်သမားတွေရဲ့ တောင်းဆိုချက်ထဲမှာ ၁ လကို ကိုရီးယားဝမ် ၁၁၁,၂၀၀ ကို အခြေခံလစာထဲမှာ ထပ်ပေါင်းပေးဖို့၊ အပိုဆုကြေးနဲ့ ကုမ္ပဏီရဲ့ ရှယ်ယာတွေကို အလုပ်သမားတွေထံ ခွဲဝေပေးဖို့ စတဲ့အချက်တွေ ပါပါတယ်။
Source-Reuters
