အိမ်ရှင်ဂျာမနီနှင့် ပေါ်တူဂီတို့ ရှုံးနိမ့်၊ စပိန်နှင့် ပြင်သစ် ဆီမီးဖိုင်နယ်တက်
DVB
·
July 6, 2024
မနေ့ညက ကစားခဲ့တဲ့ ယူရိုပြိုင်ပွဲကွာတားဖိုင်နယ်ပွဲစဉ်မှာ အိမ်ရှင်ဂျာမနီနဲ့ အနိုင်ရခဲ့တဲ့ စပိန်နဲ့ ပေါ်တူဂီကို အနိုင်ရတဲ့ ပြင်သစ်အသင်းတို့ ဆီမီးဖိုင်နယ်တက်ရောက် သွားပါတယ်။
မနေ့ညက ကစားခဲ့တဲ့ ကွာတားဖိုင်နယ်ပွဲစဉ်တွေမှာစပိန်အသင်းက အိမ်ရှင် ဂျာမနီကို အချိန်ပို ဒုတိယပိုင်းပြီးခါနီးမှာ သွင်းယူခဲ့တဲ့ ဂိုးနဲ့ ၂ဂိုး ၁ဂိုးနဲ့ အနိုင်ရပြီး ဆီမီးဖိုင်နယ်တက် ရောက် ခဲ့တာပါ။
ပြင်သစ်အသင်းက ပေါ်တူဂီနဲ့ ဂိုးမရှိသရေကျခဲ့ပေမဲ့ ပင်နယ်ဆီအဆုံး အဖြတ်မှာ အနိုင်ရခဲ့လို့ ဆီမီးဖိုင်နယ်တက်ခဲ့တာပါ။
စပိန်နဲ့ ပြင်သစ်တို့ရဲ့ ဆီမီးဖိုင်နယ်ပွဲစဉ်ကို လာမဲ့ ဇူလိုင် ၁၀ ရက်မှာ ယှဉ်ပြိုင်ကစားသွားကြမှာဖြစ်ပါတယ်။
