မန်ယူအသင်းအနေနဲ့ ပရီးမီးယားလိဂ်နဲ့ ဥရောပဆုဖလားတွေကို စိန်ခေါ်နိုင်ဖို့ လိုအပ်ကြောင်း နည်းပြ အဲရစ်တန်ဟတ်ဂ်က ပြောသွားပါတယ်။

ဟော်လန်နည်းပြဟာ အသင်းနဲ့ တနှစ်သက်တမ်းတိုးစာချုပ် ချုပ်ဆိုခဲ့ပြီးနောက် ပြုလုပ်ခဲ့တဲ့ အင်တာဗျူးအစီအစဉ်မှာ ထည့်သွင်းပြောသွားခဲ့တာပါ။

မန်ယူအသင်းနဲ့ နှစ်ရာသီကာလအတွင်းမှာ ဆုဖလား နှစ်လုံးရယူနိုင်ခဲ့ပေမဲ့  ပရီးမီးယားလိဂ်နဲ့ ဥရောပဆုဖလားတွေကို စိန်ခေါ်နိုင်ဖို့အတွက် အပြင်းအထန် ကြိုးပမ်းသွားဖို့ လိုအပ်နေသေးကြောင်း နည်းပြတန်ဟတ်ဂ်က ပြောပါတယ်။

အသင်းတာဝန်ရှိသူတွေနဲ့ ဆွေးနွေးမှုတွေလုပ်ဆောင်ခဲ့ပြီး အသင်းရဲ့ရည်မှန်းချက်တွေကို စည်းလုံးညီညွတ်စွာနဲ့ လက်တွဲလုပ်ဆောင်သွားဖို့ ဆုံးဖြတ်ချက်ချခဲ့ကြောင်း နည်းပြတန်ဟတ်ဂ်က ပြောသွားပါတယ်။