ဘိုင်ယန်မြူးနစ်နောက်ခံလူ ဒီလစ်ဟာ မန်ယူအသင်းဆီပြောင်းရွှေ့ဖို့ အကြိုသဘောတူညီ ခဲ့တယ်လို့သိရပါတယ်။

အီတလီ ဂျာနယ်လစ်ဖြစ်သူ ဖာဘရီဇီယိုရိုမန်နိုရဲ့ ဖော်ပြချက်အရ မန်ယူအသင်းဟာ ဒီလစ်ကိုခေါ်ယူဖို့ ကြိုးပမ်းခဲ့ပြီးနောက် ကစားသမားဖြစ်သူဘက်က အသင်းပြောင်းရွှေ့ဖို့ သဘောတူညီခဲ့တယ်လို့ ဆိုပါတယ်။

မန်ယူအသင်းဟာ ဒီလစ်ကိုခေါ်ယူနိုင်ဖို့အတွက် ဘိုင်ယန်မြူးနစ်နဲ့ ပြောင်းရွှေ့ကြေးပမာဏ ညှိနှိုင်းဖို့သာ ကျန်ရှိတော့တာပါ။

ဒီလစ်ဟာ မန်ယူနည်းပြ အဲရစ်တန်ဟတ်ဂ်နဲ့ အိုင်းယက်စ်အသင်းမှာ အတူလက်တွဲခဲ့ဖူးသူတွေပါ။ မန်ယူအသင်းဟာ အရင်က အိုင်းယက်စ်ကစားသမားတွေဖြစ်ခဲ့တဲ့ အန်တိုနီ၊ ဗန်ဒီဘိခ်၊ အဲရစ်ဆင်၊ မာတီနက်ဇ်နဲ့ အိုနားနားတို့ကိုခေါ်ယူခဲ့ဖူး ပါတယ်။