အင်္ဂလန်ကွင်းလယ်လူ ဘယ်လင်ဂမ်ကို လီဗာပူးအသင်းဆီ ပြောင်းရွှေ့ဖို့ ဟန်ဒါဆန်နဲ့ အာနိုးလ် တို့က ကြိုးပမ်းခဲ့ကြောင်း နောက်ခံလူ ကော်နာကိုဒီက ပြောသွားပါတယ်။
လက်စတာနောက်ခံလူ ကိုဒီဟာ ဘယ်လင်ဂမ်၊ ဟန်ဒါဆန်၊ အာနိုးလ်တို့နဲ့အတူ အင်္ဂလန်လက်ရွေးစင်အသင်းမှာ တွဲဖက်ကစားခဲ့သူပါ။
ဘီဘီစီရေဒီယိုနဲ့ ဘောလုံးပေါ့ဒ်ကတ်စ် အစီအစဉ်မှာတော့ ဘယ်လင်ဂမ်ကို ဟန်ဒါဆန်နဲ့ အာနိုးလ် တို့က လီဗာပူးဆီ ပြောင်းရွှေ့လာဖို့ တိုက်တွန်းခဲ့ကြတာကို ပြန်လည်ပြောပြခဲ့တာပါ။
အသင်းပြောင်းရွှေ့ဖို့ လုပ်ဆောင်နေတဲ့ ကစားသမားကောင်းတဦးကို ဘယ်ကစားသမားမဆို ကိုယ့်အသင်းဆီ ပြောင်းရွှေ့ဖို့ ကြိုးပမ်းကြမှာဖြစ်တယ်လို့ ကိုဒီက ပြောပါတယ်။
ဘယ်လင်ဂမ်ဟာ အဆုံးသတ်မှာတော့ စပိန်ကလပ် ရီးရဲလ်မက်ဒရစ်ဆီ ပြောင်းရွှေ့ဖို့ ဆုံးဖြတ်ခဲ့ပြီး မနှစ်ကရာသီမှာ အကောင်းဆုံးစွမ်းဆောင်ရည် ပြသနိုင်ခဲ့သလို ချန်ပီယံလိဂ် ဆုဖလားလည်း ရရှိအောင်စွမ်းဆောင်နိုင်ခဲ့ပါတယ်။
