စပိန်ကျွန်းတွင် ပျောက်ဆုံးသွားသည့် ဗြိတိန်ဆယ်ကျော်သက်ကို အသည်းအသန် ရှာဖွေနေ
DVB
·
June 27, 2024
စပိန်ရဲတပ်ဖွဲ့ဟာ တယ်နယ်ရိဖေးကျွန်းမှာ ပျောက်ဆုံးနေတဲ့ ဗြိတိန်ဆယ်ကျော်သက် ဂျေး စလိတ်ထာကို ရှာနေတဲ့ရုပ်သံကို ဇူလိုင် ၂၆ ရက်က ထုတ်ပြန်ခဲ့ပြီး အဲဒီ ဗီဒီယိုဖိုင်နဲ့ အတူ အသည်းအသန်ရှာနေတယ်လို့ ကြေညာချက်ထုတ်ပြန်ပါတယ်။
အသက် ၁၉ နှစ်အရွယ် စလိတ်ထာဟာ ဇွန်လ ၁၇ ရက်နေ့ကတည်းက ပျောက်ဆုံးသွားခဲ့ပြီး ကာနာရီကျွန်းစုက ဝေးလံခေါင်သီတဲ့ အမျိုးသားဥယျာဉ်အတွင်း မက်စ်ကာ လျှိုမြောင်ထဲမှာ သူ့ဖုန်းကို နောက်ဆုံးခြေရာခံနိုင်ခဲ့ပါတယ်။
ရဲအရာရှိတွေ၊ ကယ်ဆယ်ရေးအဖွဲ့တွေနဲ့ မီးသတ်သမား ဒါဇင်ပေါင်းများစွာဟာ ကျွန်းရဲ့ အနောက်ဘက်ကမ်းရိုးတန်းက မတ်စောက်တဲ့ ချိုင့်ဝှမ်းမှာ ရှာဖွေနေကြပါတယ်။
စလိတ်ထာဟာ သူ့အိမ်ပြန်ရောက်ဖို့ ၁၀ နာရီကျော် လမ်းလျှောက်ရဦးမှာ ဖြစ်ပေမဲ့ ရေမရှိတော့ဘဲ ဖုန်းကလည်း ဘက်ထရီ အားကုန်တော့မယ်လို့ သူ့သူငယ်ချင်းတဦးကို နောက်ဆုံး ဖုန်းဆက် ပြောပြခဲ့တယ်လို့ သိရပါတယ်။
Source-Reuters
