အာဂျင်တီးနားတိုက်စစ်မှူး မက်ဆီ၏ခြေစွမ်းကို ကနေဒါနည်းပြ ချီးကျူး
DVB
·
June 22, 2024
အာဂျင်တီးနားအသင်းခေါင်းဆောင် လီယွန်နယ်မက်ဆီရဲ့ခြေစွမ်းကို ပြိုင်ဘက်အသင်းဖြစ်တဲ့ ကနေဒါနည်းပြက ချီးကျူးသွားပါတယ်။
မက်ဆီဦးဆောင်တဲ့အာဂျင်တီးနားအသင်းဟာ မနေ့ညက ကိုပါအမေရိက ဖလားအဖွင့်ပွဲစဉ်မှာ ကနေဒါအသင်းနဲ့ တွေ့ဆုံခဲ့ပြီး ၂ ဂိုး ဂိုးမရှိနဲ့ အနိုင်ရခဲ့တာပါ။
မက်ဆီဟာ ဂိုးပေါက် ကန်သွင်းချက် ၈ ကြိမ်အထိ ကန်သွင်းခဲ့ပြီး ဂိုးဖန်တီးမှု တကြိမ်ပြုလုပ်နိုင်ခဲ့ပါတယ်။
မက်ဆီ ဆီကနေ ဘောလုံးလုယူဖို့ အလွန်ခက်ခဲပြီး ဘောလုံးကို လိုအပ်သလို ဆွဲယူ ပေးပို့နိုင်သူဖြစ်တယ်လို့ ကနေဒါနည်းပြ ဂျက်ဆီမက်ချ်က ပြောပါတယ်။ အာဂျင်တီးနားအသင်းဟာ ကိုပါအမေရိကဖလားပြိုင်ပွဲမှာ ချီလီ၊ ပီရူး၊ ကနေဒါအသင်းတွေနဲ့ တအုပ်စုတည်း တွေ့ဆုံနေတာဖြစ်ပါတယ်။
