ထိုင်းနိုင်ငံအလယ်ပိုင်း ကန်ကျနပူရီခရိုင် ဆန်ခလပူရီမြို့နယ်ထဲမှာ တရားမဝင် ဝင်ရောက်လာတဲ့ မြန်မာနိုင်ငံသား ၂၆ ဦးကို ဖမ်းဆီးခံရတယ်လို့ ကန်ကျနပူရီဒေသတွင်းသတင်းမှာ ဖော်ပြပါတယ်။
ထိုင်းစစ်တပ်၊ အမှတ် ၁၃၄ နယ်ခြားစောင့်တပ်နဲ့ ဒေသအုပ်ချုပ်ရေးပိုင်းမှ တာဝန်ရှိသူတွေဟာ ဇွန် ၉ ရက်က နယ်မြေတွင်းတရားဥပဒေစိုးမိုးရေး နယ်လှည့်စစ်ဆေးစဉ် နေရာ ၂ ခုကနေ တရားမဝင် ဝင်ရောက်လာသူပေါင်း ၂၆ ဦးကို ဖမ်းမိတာလို့ ဆိုပါတယ်။
ဆန်ခလပူရီမြို့နယ် နောင်လူးအုပ်စု ဝပ်နမ့်ကစ်ဘုန်းကြီးကျောင်းအနောက်ဘက် တောစပ်ကနေ တရားမဝင် ဝင်လာတဲ့ အမျိုးသား ၈ ဦး အမျိုးသမီး ၃ ဦးနဲ့ နောင်လူးအုပ်စု ဘော်ယိပွန်တောစပ်အနီးမှ အမျိုးသား ၁၄ ဦး အမျိုးသမီး ၁ ဦးတို့ကို ဖမ်းဆီးရမိခဲ့ပြီး သူတို့ကို လဝကဥပဒေနဲ့ အရေးယူဖို့ ဆန်ခလပူရီရဲစခန်းကို ပို့ဆောင်ထားတယ်လို့ တာဝန်ရှိသူက ပြောကြောင်း သတင်းမှာဖော်ပြပါတယ်။
ကိုးကား - ကန်ကျနပူရီဒေသတွင်းသတင်း
