ဖူဟမ် နောက်ခံလူ အက်ဒါရာဘီယိုရိုကို ချဲလ်ဆီးအသင်း ၄ နှစ်စာချုပ်ဖြင့် ခေါ်ယူ
DVB
·
June 9, 2024
ချဲလ်ဆီးအသင်းဟာ ဖူဟမ်နောက်ခံလူ အက်ဒါရာဘီယိုရိုကို ၄ နှစ်စာချုပ်နဲ့ တရားဝင် ခေါ်ယူလိုက်ပါတယ်။
အသက် ၂၆ နှစ်ရှိ အင်္ဂလန်ဗဟိုနောက်ခံလူဟာ နည်းပြသစ် မာရက်စ်ကာရဲ့ ပထမဆုံးခေါ်ယူမှု ဖြစ်လာခဲ့ပါတယ်။
သူဟာ မန်စီးတီးအကယ်ဒမီကနေ ထွက်ပေါ်လာတဲ့ ကစားသမားတဦးဖြစ်ပြီး စီးတီးအသင်းကြီးမှာ ၃ နှစ်အတွင်း ၈ ပွဲကစားခဲ့ပါတယ်။
အဲဒီနောက် ဝက်စ်ဘရွန်း၊ ဘလက်ဘန်းအသင်းတွေဆီ ကစားခဲ့ပြီး ၂၀၂၀ ပြည့်နှစ်ကစလို့ ဖူဟမ်အသင်းဆီ ပြောင်းရွှေ့ကစားခဲ့သူ ဖြစ်ပါတယ်။
စတမ်းဖို့ဒ်ဘရစ်နဲ့ ၃ မိုင်သာဝေးတဲ့ နေရာမှာ မွေးဖွားခဲ့သူဖြစ်သလို ထိပ်တန်းအသင်းကြီးမှာ ပြောင်းရွှေ့ခွင့်ရခဲ့လို့ စိတ်လှုပ်ရှားမိကြောင်း အက်ဒါရာဘီယိုရိုက ပြောပါတယ်။
အသက်ဒါရာဘီယိုရိုကို ခေါ်ယူဖို့ နယူးကာဆယ်နဲ့ မန်ယူအသင်းတွေကလည်း စိတ်ဝင်စားခဲ့ပေမဲ့ ချဲလ်ဆီးအသင်းက လက်ဦးမှု ရယူနိုင်ခဲ့တာ ဖြစ်ပါတယ်။
