လက်ရှိကမ္ဘာ့အကောင်းဆုံး ဘောလုံးကစားသမားက ရီးရဲလ်မက်ဒရစ်တိုက်စစ်မှူး ဗင်နီဆီးယက်စ်ဂျူနီယာ ဖြစ်ကြောင်း ဘရာဇီးဂန္ထဝင်တိုက်စစ်မှူး ရော်နယ်ဒိုက သုံးသပ်သွားပါတယ်။
ဗင်နီဆီးယက်စ်ဟာ ရီးရဲလ်အသင်းနဲ့အတူ ဥရောပချန်ပီယံလိဂ်ဆုဖလားနဲ့ လာလီဂါချန်ပီယံဆုဖလားတွေ ရရှိအောင် စွမ်းဆောင်နိုင်ခဲ့သူပါ။
ဗင်နီဆီးယက်စ်ဟာ ရီးရဲလ်မက်ဒရစ်အသင်းအတွက် အဆုံးအဖြတ်ဖြစ်စေတဲ့ သွင်းဂိုးတွေနဲ့ ဂိုးဖန်တီးမှုတွေ လုပ်ဆောင်ပေးခဲ့ပြီး လက်ရှိအချိန်မှာ ကမ္ဘာ့အကောင်းဆုံးကစားသမား ဖြစ်ကြောင်း ESPN ဘရာဇီးနဲ့ အင်တာဗျူးမှာ ရော်နယ်ဒိုက ပြောပါတယ်။
ဗင်နီဆီးယက်စ်ဟာ ဘလွန်းဒီအော ကမ္ဘာ့အကောင်းဆုံးကစားသမားဆုနဲ့ ထိုက်တန်တဲ့ ကစားသမားဖြစ်ပြီး သူ့ရဲ့အကောင်းဆုံးအချိန်တွေ ရောက်ရှိလာတော့မယ်လို့ ရော်နယ်ဒိုက ပြောပါတယ်။
ဗင်နီဆီးယက်စ်ဟာ လက်ရှိအချိန်မှာ ကိုပါအမေရိကဖလားပြိုင်ပွဲအတွက် ဘရာဇီးအသင်းနဲ့ ပူးပေါင်းလေ့ကျင့်နေပါတယ်။
Photo-Reuters
