အိုက်စလန်တွင် မီးတောင်ပေါက်ကွဲ
DVB
·
May 30, 2024
အိုက်စ်လန်ကျွန်းနိုင်ငံက မီးတောင်တခု မေ ၂၉ ရက်မှာ ပေါက်ကွဲခဲ့ပြီး ချော်ရည်တွေ ညလုံးပေါက် ဆက်လက်စီးထွက်နေပါတယ်။
ချော်ရည်ပူတွေက လေထဲ မီတာ ၅၀ အထိ ပန်းထွက်နေတာပါ။ ဒီမီးတောင်ဟာ ဒီဇင်ဘာလကနေ ခုထိ ၅ ကြိမ်မြောက် ပေါက်ကွဲတာဖြစ်ပါတယ်။
လွန်ခဲ့တဲ့ ၃ နှစ်က စတင်လှုပ်ရှားခဲ့တဲ့ မီးတောင်စနစ်အတွင်း အပြင်းထန်ဆုံး ပေါက်ကွဲတာလည်း ဖြစ်ပါတယ်။
လေ့လာချက်တွေက မြေအောက်မှာ ချော်ရည်တွေ စုပုံလာနေတာကို ပြနေလို့ မြို့တော် ရေးကျားဗစ်ခ်ရဲ့ တောင်ဘက်မှာ မီးတောင်လှုပ်ရှားမှု အသစ်တွေရဲ့ ဘေးအန္တရာယ်တွေကို အာဏာပိုင်တွေက သတိပေးခဲ့ပါတယ်။
ရေးကျားနက်စ် ကျွန်းဆွယ်မှာ သီတင်းပတ် ၈ ပတ်ကြာ ပေါက်ကွဲမှုအပြီး မကြာခင် ခုလို မီးတောင်ပေါက်ကွဲတာလည်း ဖြစ်ပါတယ်။
မီးတောင်အက်ကွဲကြောင်းရဲ့ အရှည်က ၃ ဒသမ ၄ ကီလိုမီတာအထိ ရှိတယ်လို့ အိုက်စလန်ကျွန်း မိုးလေဝသ ရုံးက ကြေညာချက် ထုတ်ပြန်ထားပါတယ်။
Source-Reuters
