Home
အားကစား
ဆန်ချိုနေရာတွင် ဂရင်းဝုဒ်ဖြင့် အစားထိုးရန် ဒေါ့မွန် ကြိုးပမ်း
DVB
·
May 29, 2024
san sport 2952024

ဂျာမန်ကလပ်ဒေါ့မွန်အသင်းဟာ မန်ယူအသင်းဆီပြန်လည်စေလွှတ်ရမယ့် ဂျေဒန်ဆန်ချိုရဲ့ နေရာမှာ နောက်ထပ်မန်ယူတောင်ပံကစားသမား ဂရင်းဝုဒ်နဲ့အစားထိုးဖို့ ကြိုးပမ်းနေပါတယ်။

ဂရင်းဝုဒ်ဟာ စပိန်ကလပ် ဂီတာဖေးအသင်းမှာ တရာသီအငှားသွားရောက်ကစားခဲ့ပြီး သွင်းဂိုး ၁၀ ဂိုးအပါအဝင် ဂိုးဖန်တီးမှု ၆ ကြိမ်အထိ ပြုလုပ်နိုင်ခဲ့တာပါ။

ဒေါ့မွန်အသင်းဟာ ဆန်ချိုကို မန်ယူအသင်းဆီကနေ ရာသီဝက်အငှားစာချုပ်နဲ့ခေါ်ယူခဲ့ပေမဲ့ အပြီးသတ်ဝယ်ယူခွင့် မပါဝင်တာကြောင့် ချန်ပီယံလိဂ် ဗိုလ်လုပွဲစဉ်အပြီးမှာ ပြန်လည် စေလွှတ်ပေးရမှာပါ။

ဆန်ချိုနေရာအတွက်  မေဆန်ဂရင်းဝုဒ်ကို အငှားစာချုပ်နဲ့ပဲခေါ်ယူသွားဖို့ ဒေါ့မွန်အသင်းက ကြိုးပမ်းနေပြီး ချန်ပီယံလိဂ်ဗိုလ်လုပွဲစဉ်အပြီးမှာ ဆွေးနွေးမှုတွေစတင်လုပ်ဆောင်ဖို့ရှိပါတယ်။

ဂရင်းဝုဒ်ဟာလည်း ဂီတာဖေးနဲ့ အငှားစာချုပ်ကုန်ဆုံးပြီးတဲ့နောက် မန်ယူအသင်းဆီ ပြန်လာရမှာဖြစ်ပေမဲ့ နောက်ထပ်အသင်းသစ် ရှာဖွေသွားရမှာဖြစ်ပါတယ်။

Photo - Reuters

Live

About DVB

The Democratic Voice of Burma (DVB) publishes daily independent news and information across Myanmar and around the world by satellite TV and the internet. DVB was founded in 1992 and is registered as a non-profit association in Thailand.

Follow Us

© Democratic Voice of Burma 2024