နည်းပြဝိန်းရွန်းနီဟာ ချန်ပီယံရှစ်ကလပ် ပလိုင်းမောင်အသင်းဆီ ၃ နှစ်စာချုပ်နဲ့  ပြောင်းရွှေ့ တာဝန်ယူသွားတော့မှာ ဖြစ်ပါတယ်။

လွန်ခဲ့တဲ့ ၄ လက ဘာမင်ဂမ်အသင်း နည်းပြရာထူးကနေ ထုတ်ပယ်ခံခဲ့ရတဲ့ ဝိန်းရွန်းနီဟာ ပလိုင်းမောက်အသင်းရဲ့ကမ်းလှမ်းချက်ကို လက်ခံခဲ့တာပါ။

ပလိုင်းမောက်အသင်းဟာ မနှစ်ကချန်ပီယံရှစ်ပြိုင်ပွဲမှာ တန်းဆင်းခဲ့ရတဲ့အဆင့် ၂၂ က ဘာမင်ဂမ် အသင်းနဲ့ ၁ မှတ်သာ ကွာဟပြီး အဆင့် ၂၁ မှာရပ်တည်ကာ တန်းတင်ကျန်ရစ်ခဲ့တာပါ။

လာရောက် လျှောက်ထားခဲ့တဲ့ နည်းပြတွေ အများကြီးထဲကနေ နိုင်ငံရဲ့ သူရဲကောင်းတိုက်စစ်မှူးဟောင်း ဝိန်းရွန်းနီကို ရွေးချယ်ခန့်အပ်ခဲ့တာဖြစ်ကြောင်း ပလိုင်းမောက်အသင်းဘက်က တရားဝင်ထုတ်ပြန်ပါတယ်။

ပလိုင်းမောက် အသင်းနည်းပြသစ် ဖြစ်လာတဲ့အပေါ် အသင်းရဲ့ စိတ်လှုပ်ရှားစရာ စီမံကိန်းမှာ အစိတ်အပိုင်းတခုအနေနဲ့ ပါဝင်ခွင့်ရမယ့် အခွင့်အရေးဖြစ်ကြောင်း ဝိန်းရွန်းနီက ပြောသွားပါတယ်။

Photo - Reuters/Jason Cairnduff