FA ဖလားချန်ပီယံဖြစ်ခဲ့တဲ့ မန်ယူအသင်းဟာ ပရီးမီးယားလိဂ်မှာအဆင့် ၆ ရရှိတဲ့ ချဲလ်ဆီး အသင်းကို ကျော်ဖြတ်ပြီး ယူရိုပါလိဂ်ဝင်ခွင့် ရရှိသွားပါတယ်။

ပရီးမီးယားလိဂ်ပြိုင်ပွဲရဲ့ ရပ်တည်မှုအရဆိုရင် အဆင့် ၆ နေရာက ချဲလ်ဆီးက ယူရိုပါလိဂ်ဝင်ခွင့် ရရှိပြီး၊ အဆင့် ၇ နေရာက နယူးကာဆယ်အသင်းက ယူရိုကွန်းဖရင့်လိဂ် ပြိုင်ပွဲကစားခွင့် ရရှိမှာပါ။

ဒါပေမဲ့ အဆင့် ၈ မှာရပ်တည်ခဲ့တဲ့ မန်ယူအသင်းက လိဂ်ချန်ပီယံ မန်စီးတီးကို အနိုင်ရပြီး FA ဖလားချန်ပီယံဖြစ်ခဲ့တာကြောင့် ချဲလ်ဆီးအသင်းရဲ့ ယူရိုပါလိဂ်ဝင်ခွင့်ကို ရှုံးထွက်ဖလား ချန်ပီယံလမ်းကြောင်းကနေ လုယူသွားခဲ့တာပါ။

ချဲလ်ဆီးအသင်းအနေနဲ့ တဆင့်နိမ့်တဲ့ ကွန်းဖရင့်လိဂ်ကိုသာ ယှဉ်ပြိုင်ရတော့မှာဖြစ်ပြီး နယူးကာဆယ်အသင်းကတော့ ကွန်းဖရင့်လိဂ်ပြိုင်ပွဲဝင်ခွင့် ဆုံးရှုံးသွားခဲ့ရပါတယ်။

အဆင့်အမြင့်ဆုံး ဥရောပ ချန်ပီယံလိဂ်ပြိုင်ပွဲကိုတော့ ပရီးမီးယားလိဂ်မှာ အဆင့် ၄ အတွင်း ဝင်ခဲ့တဲ့ မန်စီးတီး၊ အာဆင်နယ်၊ လီဗာပူးနဲ့ အက်စ်တန်ဗီလာတို့ ယှဉ်ပြိုင်ခွင့်ရရှိ ထားပါတယ်။ 

Photo - Reuters