အဆင့် ၈ နေရာဖြင့် လုံလောက်မှုမရှိကြောင်း မန်ယူနည်းပြတန်ဟတ်ဂ် ဝန်ခံ
DVB
·
May 20, 2024
အမှတ်ပေးဇယား အဆင့် ၈ နေရာမှာရပ်တည်နေရမှုဟာ မန်ယူနိုက်တက်အသင်းအတွက် လုံလောက်မှု မရှိကြောင်း နည်းပြတန်ဟတ်ဂ်က ဝန်ခံပြောသွားပါတယ်။
မန်ယူအသင်းဟာ မနေ့ညက ပရီးမီးယားလိဂ်နောက်ဆုံးပွဲစဉ်မှာ ဘရိုက်တန်ကို ၂ ဂိုး ဂိုးမရှိနဲ့ အနိုင်ရခဲ့ပေမဲ့ ပြိုင်ဘက်အသင်းတွေကလည်း နိုင်ပွဲကိုယ်စီရရှိခဲ့တာကြောင့် အဆင့် ၈ နေရာနဲ့ ရာသီသိမ်းခဲ့တာပါ။
အဆင့် ၈ နေရာမှာရပ်တည်မှုဟာ အလွန်ဆိုးရွားတဲ့ ရပ်တည်မှုဖြစ်ပြီး အခုထက် ပိုကောင်းတဲ့အဆင့်မှာ ရပ်တည်နိုင်ခဲ့သင့်ကြောင်း နည်းပြတန်ဟတ်ဂ်က ပြောပါတယ်။
မန်ယူအသင်းဟာ မန်စီးတီးနဲ့ ကစားရမယ့် အက်ဖ်အေဖလားဗိုလ်လုပွဲမှာ အနိုင်ရမှသာ ယူရိုပါလိဂ်ဝင်ခွင့်ရ ရှိမှာဖြစ်ပါတယ်။
မန်ယူအသင်းသားတွေအနေနဲ့ အက်ဖ်အေဖလားဗိုလ်လုပွဲမှာ အနိုင်ရဖို့ တိုက်ပွဲဝင် ကြလိမ့်မယ်လို့လည်း နည်းပြတန်ဟတ်ဂ်က ပြောသွားပါတယ်။
Photo - Reuters
