ဂျာမန်ကလပ် လီဗာကူဆင်အသင်းဟာတရာသီလုံး ရှုံးပွဲလုံးဝမရှိခဲ့တဲ့ ရလဒ်နဲ့ ဘွန်ဒက်စ်လီဂါ အမှတ် ပေးချန်ပီယံဆုဖလားကို ပထမဆုံးအကြိမ်ရယူနိုင်ခဲ့ပါတယ်။
မနေ့ညက ကစားခဲ့တဲ့ ဂျာမန်လိဂ် နောက်ဆုံးပွဲစဉ်မှာ လီဗာကူဆင်က အော့စ်ဘက်ကို ၂ ဂိုး ၁ ဂိုးနဲ့ အနိုင်ရပြီး စုစုပေါင်း ၃၄ ပွဲမှာ ၂၈ ပွဲနိုင် ၆ ပွဲသရေ ရလဒ်နဲ့ တရာသီလုံး ရှုံးပွဲလုံးဝမရှိဘဲ ချန်ပီယံဆုရယူနိုင်ခဲ့တာပါ။
ဒုတိယနေရာက စတုဂတ်အသင်းကို ၁၇ မှတ်အထိ ဖြတ်ခဲ့သလို တတိယနေရာက ဘိုင်ယန်မြူးနစ်ကိုလည်း ၁၈ မှတ်အထိဖြတ်ပြီး ချန်ပီယံဖြစ်ခဲ့တာပါ။
လီဗာကူဆင်အသင်းဟာ ဂျာမန်ဘွန်ဒက်စ်လီဂါမှာ ဒုတိယ ၅ ကြိမ် သာရရှိခဲ့ဖူးပြီး အခုနှစ်ရာသီမှာ အသင်းသမိုင်းတစ်လျှောက် ပထမဆုံးအကြိမ်ချန်ပီယံဖြစ်ခဲ့တာပါ။
ဆုဖလားသုံးလုံးမျှော်လင့်ခွင့်လည်းရှိနေပြီး အက်တလန်တာနဲ့ ယူရိုပါလိဂ်ဗိုလ်လုပွဲနဲ့ ကိုင်ဇာစလော့တန်နဲ့ ဂျာမန်ပိုကယ်ဖလားဗိုလ်လုပွဲလည်း ဆက်လက်ယှဉ်ပြိုင်သွားရမှာ ဖြစ်ပါတယ်။
Photo - Reuters
