အာဆင်နယ်နှင့် မန်ယူတိုက်စစ်မှူးဟောင်း ဗန်ပါစီ ဟီရန်ဗင်းနည်းပြဖြစ်လာ
DVB
·
May 18, 2024
အာဆင်နယ်နဲ့ မန်ယူအသင်းတိုက်စစ်မှူးဟောင်း ရော်ဘင်ဗန်ပါစီဟာ ဟော်လန်ကလပ် ဟီရန်ဗင်း နည်းပြဖြစ်လာပါတယ်။
ဗန်ပါစီအတွက် ပထမဆုံးအကြိမ် ပရော်ဖက်ရှင်နယ်ဘောလုံးအသင်းတသင်းကို တာဝန်ယူခဲ့တာပါ။
အသက် ၄၀ နှစ်ရှိပြီဖြစ်တဲ့ ဗန်ပါစီဟာ ၂၀၁၉ ခုနှစ်က ကစားသမားဘ၀ ကနေ အနားယူခဲ့သူဖြစ်ပြီး ဟော်လန်ယူ-၁၈ အသင်းကိုလည်း တာဝန်ယူခဲ့ပါသေးတယ်။
နည်းပြချုပ် တဦးရဲ့ အခန်းကဏ္ဍတွေကို ဆက်လက်လုပ်ဆောင်ရင်း တိုးတက်မှုတွေရှိလာဖို့ မျှော်လင့်ကြောင်းနဲ့ နှစ်သက်စရာ စိန်ခေါ်မှုတခုလည်း ဖြစ်ကြောင်း နည်းပြဗန်ပါစီက ပြောပါတယ်။
ဟီရန်ဗင်းအသင်းဟာ အခုနှစ်ဟော်လန်လိဂ်ပြိုင်ပွဲပြီးဆုံးဖို့ တပွဲအလိုမှာ အဆင့် ၁၀ နေရာမှာ ရပ်တည်နေပါတယ်။
Source/Photo - Reuter
