အာရှပစိဖိတ်ဒေသရဲ့ စီးပွားရေးတိုးတက်မှုဟာ ၂၀၂၃ နှောင်းပိုင်းမှာ မျှော်မှန်းထားတာထက် အားကောင်းပြီး ၅ ရာခိုင်နှုန်းအထိရောက်ခဲ့တယ်လို့ အပြည်ပြည်ဆိုင်ရာငွေကြေးရန်ပုံငွေအဖွဲ့ (IMF) အစီရင်ခံစာက ဖော်ပြပါတယ်။
တနိုင်ငံနဲ့ တနိုင်ငံ အရှိန်မတူပေမဲ့ ယေဘုယျအားဖြင့် ငွေကြေးဖောင်းပွမှုနှုန်း ကျဆင်းလာပါတယ်။ တချို့နိုင်ငံတွေကတော့ စျေးနှုန်းမြင့်တက်မှု ဖိအားကို ရင်ဆိုင်နေရဆဲဖြစ်ပြီး တချို့တွေကတော့ ငွေတန်ဖိုးကျုံ့တဲ့ပြဿနာ ရင်ဆိုင်နေရပါတယ်။
၂၀၂၄ မှာ တိုးတက်မှု အနည်းငယ်ပြန်နှေးသွားနိုင်ပြီး ၄ ဒသမ ၅ ရာခိုင်နှုန်းလောက်ရှိမယ်လို့ ခန့်မှန်းပါတယ်။
ကမ္ဘာတဝန်းမှာ ငွေကြေးဖောင်းပွမှုနှုန်း နှေးကွေးသွားမှာဖြစ်ပြီး ငွေကြေးဆိုင်ရာ မူဝါဒတွေ ဖြေလျှော့ပေးမှုကြောင့် စီးပွားရေးဟာ အကျသက်သာမယ်လို့ မှန်းပါတယ်။
တရုတ်နိုင်ငံက အိမ်ခြံမြေကဏ္ဍအကျပ်အတည်းရဲ့ နောက်ဆက်တွဲ အကြွင်းအကျန်တွေက အန္တရာယ်အလားအလာအဖြစ် ရှိနေသေးတယ်လို့လည်း IMF အစီရင်ခံစာက သုံးသပ်ထားပါတယ်။
Source/Photo - REUTERS/Yuri Gripas/File Photo
