ယူကေ စစ်အရာရှိတွေရဲ့ အချက်အလက်တွေကို ခိုးယူမှုမှာ ပေကျင်း ပါဝင်ပတ်သက်နေကြောင်း ဗြိတိန်မီဒီယာတွေမှာ အစီရင်ခံခဲ့ပြီးနောက်မှာ တရုတ်နိုင်ငံဟာ ဆိုက်ဘာတိုက်ခိုက်မှု ပုံစံအားလုံးကို ပြတ်ပြတ်သားသား ဆန့်ကျင်တိုက်ခိုက်နေကြောင်း  နိုင်ငံခြားရေးဝန်ကြီးဌာနက မေလ ၇ ရက်မှာ ပြောကြားခဲ့ပါတယ်။ 

တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်းကျန်းက “ဗြိတိန်နိုင်ငံရေးသမားတွေရဲ့ မှတ်ချက်တွေဟာ လုံးဝကို အဓိပ္ပါယ်မဲ့ပါတယ်။ တခြားနိုင်ငံတွေကို တမင်တကာ အပုပ်ချပြီး ဆိုက်ဘာတိုက်ခိုက်မှုပြဿနာကို နိုင်ငံရေးအရ အသုံးချနေတဲ့ ကြိုးပမ်းမှုမှန်သမျှကို တရုတ်နိုင်ငံက ပြတ်ပြတ်သားသား ကန့်ကွက်တယ်”လို့  ပြောပါတယ်။

သိသာထင်ရှားတဲ့ အချက်အလက်ချိုးဖောက်မှုတခုမှာ ဗြိတိန်လက်နက်ကိုင်တပ်ဖွဲ့တွေရဲ့ ကိုယ်ရေးကိုယ်တာ အချက်အလက်တွေကို ဝင်ရောက်ကြည့်ရှုခဲ့ကြောင်း Sky News သတင်းဌာနက အင်္ဂါနေ့မှာ အစီရင်ခံခဲ့ပြီး ဆိုက်ဘာတိုက်ခိုက်မှုရဲ့ နောက်ကွယ်မှာ တရုတ်နိုင်ငံ ရှိနေကြောင်းသူက ပြောကြားခဲ့ပါတယ်။ 

တရုတ်နိုင်ငံကို ဝေဖန်ထောက်ပြကြတဲ့ လွှတ်တော်အမတ်တွေနဲ့ နိုင်ငံရဲ့ ရွေးကောက်ပွဲ စောင့်ကြည့်ရေး အဖွဲ့ကို ပစ်မှတ်ထားတဲ့ လတ်တလော နှစ်ပိုင်းအတွင်းက နာမည်ကြီး ဆိုက်ဘာတိုက်ခိုက်မှု ၂ ခုရဲ့ နောက်ကွယ်မှာ တရုတ်ဟက်ကာတွေနဲ့ တရုတ်အဖွဲ့အစည်းတစ်ခုတို့ ရှိနေကြောင်း ဗြိတိန်က မတ်လတုန်းက စွပ်စွဲခဲ့တာ ဖြစ်ပါတယ်။ 

Source/Photo - Reuters