ဘိုင်ယန်မြူးနစ် နည်းပြရာထူးနှင့် ပတ်သက်သည့်သတင်းများကို နည်းပြ ဇီဒန်း ငြင်းဆို
DVB
·
May 7, 2024
ဘိုင်ယန်မြူးနစ်အသင်း နည်းပြရာထူးနဲ့ ပတ်သက်တဲ့သတင်းတွေကို ပြင်သစ်နည်းပြဇီဒန်းက ငြင်းဆိုသွားပါတယ်။
ဘိုင်ယန်အသင်းဟာ လာမယ့်ရာသီသစ်အတွက် နည်းပြသစ်တဦးခန့်အပ်ဖို့ ကြိုးပမ်းနေတာဖြစ်ပြီး နာမည်ကြီးနည်းပြ အများအပြားကို ဆက်သွယ်ကမ်းလှမ်းခဲ့တာပါ။
နည်းပြဇီဒန်းဘက်ကတော့ ဘိုင်ယန်နည်းပြ ဖြစ်လာဖို့မရှိကြောင်း စကိုင်းဂျာမနီနဲ့ အင်တာဗျူးမှာ အတည်ပြုသွားခဲ့တာပါ။
ဘိုင်ယန်မြူးနစ်အသင်းဟာ လီဗာကူဆင်နည်းပြ အလွန်ဆို၊ ဂျာမနီနည်းပြ နာဂယ်စ်မန်း၊ သြစတြီးယားနည်းပြ ရတ်ဖ်ရင်းနစ်ခ်တို့ကိုလည်း ဆက်သွယ်ကမ်းလှမ်းခဲ့ပေမဲ့ ငြင်းပယ်ခြင်းခံခဲ့ရတာပါ။
ဘိုင်ယန်အသင်းဟာ နည်းပြလေးဦးရဲ့ ငြင်းဆန်ခြင်းခံခဲ့ရပြီးနောက်မှာတော့ မန်ယူအသင်း နည်းပြအဲရစ် တန်ဟတ်ဂ်ကို ခေါ်ယူဖို့ ကမ်းလှမ်းလိမ့်မယ်လို့ မီဒီယာတွေမှာ အသီးသီး ဖော်ပြလာခဲ့ကြပါတယ်။
Photo - Reuters
