ဖာနန်ဒက်စ်ဟာ မန်ယူအသင်း၏ စံပြအသင်းခေါင်းဆောင်ဖြစ်ဟု မာတာ ချီးကျူး
DVB
·
April 29, 2024
မန်ယူကွင်းလယ်လူ ဖာနန်ဒက်စ်ဟာ စံပြအသင်းခေါင်းဆောင်ဖြစ်တယ်လို့ ကစားသမားဟောင်း ဟွမ်မာတာက ချီးကျူးပြောကြားလိုက်ပါတယ်။
ဖာနန်ဒက်စ်ဟာ အသင်းရဲ့နောက်ဆုံး ၆ ပွဲမှာ ၆ ဂိုးအထိ သွင်းယူထားပြီး အခုနှစ်ရာသီမှာ ယူနိုက်တက်အသင်းရဲ့ အကောင်းဆုံးကစားသမားအဖြစ် သတ်မှတ်ခြင်းခံထားရသူပါ။
ဖာနန်ဒက်စ်ဟာ ဒိုင်လူကြီးတွေကို စောဒကတက်မှု အများဆုံးကစားသမားအဖြစ် ဝေဖန်ခံခဲ့ရဖူးပေမဲ့ မာတာကတော့ အသင်းရဲ့ စံပြကစားသမားဖြစ်တယ်လို့ ချီးကျူးသွားခဲ့တာပါ။
မန်ယူနိုက်တက်အသင်းရဲ့ စရိုက်လက္ခဏာနဲ့ ဓလေ့ထုံးတမ်းအစဉ်အလာတွေကို ဘရူနိုဖာနန်ဒက်စ်နဲ့အတူ ဝန်းရံပြီး တည်ဆောက်သင့်ကြောင်း ဟွမ်မာတာက ပြောပါတယ်။
ဖာနန်ဒက်စ်ဟာ အသင်းမှာရှိတဲ့ လူငယ်တွေအတွက် အတုယူစရာ စံပြကစားသမားဖြစ်ကြောင်း ESPN နဲ့ အင်တာဗျူးမှာ မာတာက ချီးကျူးသွားခဲ့ပါတယ်။
Photo - REUTERS/Molly Darlington
