မြ၀တီ-မဲဆောက် ချစ်ကြည်ရေးတံတား (၁) ပြန်ဖွင့်လှစ် ( ဓာတ်ပုံ)
DVB
·
April 27, 2024
ကရင်ပြည်နယ်ထဲမှာ တိုက်ပွဲတွေဖြစ်ပွားခဲ့လို့ ၆ ရက်ကြာ ယာယီ ပိတ်ထားခဲ့ရတဲ့ မြ၀တီ-မဲဆောက် ချစ်ကြည်ရေးတံတားအမှတ် (၁) ကို ဧပြီ ၂၇ ရက် ဒီနေ့မနက် ၁၀ နာရီလောက်မှာ နှစ်ဖက်တာဝန်ရှိသူတွေက ပြန်လည် စတင်ဖွင့်လှစ် လိုက်ပါတယ်။
တံတားပြန်ဖွင့်လိုက်လို့ ထောင်နဲ့ချီတဲ့ မြန်မာပြည်သူတွေ နယ်စပ်ဖြတ်ကျော် သွားလာနေကြပြီး တချို့က ထိုင်းနိုင်ငံဘက်ကို ဈေးသွားဝယ်ကြသူတွေရှိသလို မဲဆောက်ရောက်မြန်မာပြည်သား အများအပြားလည်း နေထိုင်ခွင့်ဗီဇာအတွက် မြန်မာပြည်ဘက်ကို ပြန်သွားကြသူတွေများ တယ်လို့လည်း မဲဆောက်မြို့ခံတဦးက ပြောပါတယ်။
စစ်ကောင်စီ လက်အောက်ခံ လဝက ဝန်ထမ်းတွေကတော့ ယူနီဖောင်းဝတ်စုံတွေ မဝတ်ဘဲ အရပ်ဝတ်တွေနဲ့ပဲ တာဝန်ထမ်းဆောင်နေကြတယ်လို့ သိရပါတယ်။
