ချန်ပီယံပြေးလမ်းတွင် ဆက်ရှိဖို့လိုအပ်ကြောင်း လီဗာပူးနည်းပြ ကလော့ပ် ပြော
DVB
·
April 22, 2024
လီဗာပူးအသင်းအနေနဲ့ ပရီးမီးယားလိဂ် ချန်ပီယံပြေးလမ်းမှာ ဆက်ရှိနေဖို့ လိုအပ်ကြောင်း နည်းပြ ယာဂန်ကလော့ပ်က ပြောသွားပါတယ်။
လီဗာပူးအသင်းဟာ မနေ့ညက ကစားခဲ့တဲ့ ဖူလ်ဟမ်အသင်းနဲ့ ပွဲစဉ်မှာ ၃ ဂိုး ၁ ဂိုးနဲ့ အနိုင်ရခဲ့ပြီး အဆင့်တစ်က အာဆင်နယ်နဲ့ ရမှတ်တူ၊ ဂိုးကွာခြားချက်အရ အဆင့်နှစ်နေရာဆီ ပြန်လည် တက်လှမ်းနိုင်ခဲ့ပါတယ်။
မန်စီးတီးက ဘရိုက်တန်နဲ့ ပွဲကျန်ကစားဖို့ ရှိနေသေးချိန်မှာ အဆင့်သုံးနေရာ ရောက်ရှိနေတာပါ။
နည်းပြကလော့ပ် ကတော့ အာဆင်နယ်အသင်း နိုင်ပွဲရခဲ့သလို မန်စီးတီးကလည်း လက်ကျန်ပွဲမှာ အနိုင်ရမှာဖြစ်တာကြောင့် ချန်ပီယံပြေးလမ်းမှာ ဆက်ရှိဖို့အတွက် နိုင်ပွဲတွေ ဆက်တိုက်ရယူဖို့ လိုအပ်ကြောင်း ပြောပါတယ်။
လီဗာပူးအသင်းဟာ ပြိုင်ပွဲအားလုံးကနေ ထွက်လိုက်ရတာကြောင့် ပရီးမီးယားလိဂ် ပြိုင်ပွဲတွေပဲ ဆက်လက်ယှဉ်ပြိုင်သွားရမှာ ဖြစ်ပါတယ်။
Photo-Reuters
