မန်စီးတီးအသင်းအနေနဲ့ ဆုဖလား ၃ လုံး ထပ်မံရယူပြီး အကောင်းဆုံးအသင်းဆိုတဲ့ သမိုင်းအမွေအနှစ်တခု ချန်ထားခဲ့ချင်ကြောင်း ကွင်းလယ်ကစားသမား ဘာနာဒိုဆေးလ်ဗားက ပြောပါတယ်။
မန်စီးတီးအသင်းဟာ မနှစ်ကရာသီမှာ ချန်ပီယံလိဂ်၊ ပရီးမီးယားလိဂ်နဲ့ အက်ဖ်အေဖလား ပြိုင်ပွဲတွေမှာ ချန်ပီယံဆုရယူနိုင်ခဲ့သလို အခုနှစ်ရာသီမှာလည်း အဲဒီဆုဖလားတွေကို ကာကွယ်နိုင်ဖို့ မျှော်လင့်နေတာပါ။
မန်စီးတီးအသင်းသားတွေအနေနဲ့ အကောင်းဆုံးအသင်းတသင်းဆိုတဲ့ သမိုင်းအမွေအနှစ်တခု ချန်ရစ်ထားခဲ့ချင်တဲ့ စိတ်ပိုင်းဆိုင်ရာ လှုံ့ဆော်နှိုင်မှုတွေရှိကြောင်း ဆေးလ်ဗားက ပြောပါတယ်။
ဆုဖလား ၃ လုံးထပ်မံရယူနိုင်ဖို့က လွယ်ကူတဲ့အရာ မဟုတ်သလို ပြိုင်ဘက်အသင်းတွေကလည်း အမှန်တကယ် ကောင်းမွန်တဲ့အသင်း ဖြစ်တာကြောင့် အသင်းအတွက် ကြီးမားတဲ့ စိန်ခေါ်မှုတခုလည်း ဖြစ်တယ်လို့ ဘာနာဒိုဆေးလ်ဗားက ပြောပါတယ်။
မန်စီးတီးအသင်းဟာ ပရီးမီးယားလိဂ်ချန်ပီယံဆုကို နောက်ဆုံး ၇ နှစ်အတွင်း ၆ ကြိမ်မြောက်ရရှိတဲ့အသင်းဖြစ်လာဖို့ မျှော်လင့်နေသလို ချန်ပီယံလိဂ် နှစ်ကြိမ် ဆက်တိုက်ရယူနိုင်တဲ့ အသင်းအဖြစ်လည်း မှတ်တမ်းဝင်နိုင်ဖို့ မျှော်လင့်နေတာ ဖြစ်ပါတယ်။
Photo-Reuters/Jason Cairnduff
