ပီအက်စ်ဂျီအသင်းနဲ့ ကစားရမယ့် ချန်ပီယံလိဂ်ကွာတားဖိုင်နယ် ဒုတိယအကျော့ပွဲစဉ်မှာ ပရိသတ်တွေရဲ့ အားပေးကူညီမှု လိုအပ်ကြောင်း နည်းပြဇာဗီက ပြောပါတယ်။
ဘာစီလိုနာအသင်းဟာ ပထမအကျော့ ပွဲစဉ်မှာ ၃ ဂိုး ၂ ဂိုးနဲ့ အနိုင်ရခဲ့ပြီး အိမ်ကွင်းမှာ သရေကစားနိုင်ရုံနဲ့ ဆီမီးဖိုင်နယ် တက်လှမ်းနိုင်မှာပါ။
နည်းပြဇာဗီကတော့ ပီအက်စ်ဂျီအသင်းဘက်က ဖိအားပေး ကစားလာနိုင်တာကြောင့် အိမ်ကွင်း ပရိသတ်တွေရဲ့ ဖိအားနဲ့ ပြန်လည်တိုက်ထုတ်နိုင်ဖို့ မျှော်လင့်ထားတာပါ။
ပရိသတ်တွေရဲ့ ဖိအားပေးသံက အသင်းအတွက် အကူအညီရရှိစေမှာဖြစ်ကြောင်း၊ နည်းပြ အင်းနရစ်ရဲ့ အကြောင်းကိုလည်း သိရှိထားပြီး ခံစစ်ကစားမယ့်အသင်း မဟုတ်ဘဲ တိုက်စစ်တင် ကစားလာမှာဖြစ်ကြောင်း နည်းပြဇာဗီက ပြောပါတယ်။
ပီအက်စ်ဂျီက ကမ္ဘာ့အကောင်းဆုံးအသင်းတသင်း ဖြစ်သလို နည်းပြ အင်းနရစ်ဟာလည်း ကမ္ဘာ့အကောင်းဆုံးနည်းပြတဦး ဖြစ်ကြောင်း ဇာဗီက ပွဲမတိုင်ခင် သတင်းစာရှင်းလင်းပွဲမှာ ချီးကျူးသွားခဲ့ပါတယ်။
Photo - Reuters
