ထိုင်း-မြန်မာနယ်စပ် တာ့ခ်ခရိုင်မှာ ဧပြီ ၁၄ ရက်က မိုးသက်လေပြင်းကျရောက်တဲ့အတွက် အိမ်ခြေအတော်များ ပျက်စီးပြီး ဓာတ်မီးတိုင် ၁၀ တိုင်ထက်မနည်း ပြိုလဲခဲ့တယ်လို့  Siamrath ထိုင်းသတင်းမှာ ဖော်ပြပါတယ်။

တာ့ခ်မြို့နယ်ထဲမှာဆိုရင် ဘန့်တာ့ခ်အုပ်စု ရပ်ကွက် ၁ ၊  ၂ ၊ ၃ , ၄ နဲ့ ဆမော်ခွန်းအုပ်စု ရပ်ကွက် ၆ ထဲကနေအိမ်ခေါင်မိုးတွေပျက်စီးသွားပြီး အပျက်အစီးစာရင်းတွေ စစ်ဆေးကောက်ခံနေတယ်လို့ တာ့ခ်ခရိုင် သဘာဝဘေးအန္တရာယ်ကာကွယ်ရေးနဲ့ ကူညီရေးဌာနက ပြောပါတယ်။ 

ဒါ့အပြင် ဆာမ်ငေါင်းမြို့နယ် ယုဒ်ကဘတ်အုပ်စု ရပ်ကွက် ၈ ၊ ၉ ၊ ၁၀ ထဲကနေအိမ်တွေ၊ မယ်လမတ်မြို့နယ် မယ့်ကျလောအုပ်စုနဲ့ ထုန့်လုန်အုပ်စုထဲက လမ်းဘေးဓာတ်မီးတိုင် ၁၁ တိုင်လဲကျပြီး နေအိမ်အချို့ ခေါင်မိုးတွေ ပျက်စီးသွားပါတယ်။ 

ဖုပ်ဖရမြို့နယ် ဆီရီရာ့စ်ဒွန်းအုပ်စု ရပ်ကွက် (၁) ထဲက နေအိမ် ၃ အိမ်ပျက်စီးပြီး အဆိုပါ ၄ မြို့ထဲမှာ အိမ်တွေပျက်စီးတဲ့အပြင် သစ်ပင်ကြီးတွေ လဲပြိုတာတွေရှိခဲ့ကာ အားလုံးအပျက်အစီး စာရင်းတွေကတော့ ကောက်ခံနေဆဲပဲလို့ ထိုင်းသတင်းမှာ ဖော်ပြပါတယ်။ 

Source: Siamrath