အန်းဒရွိုက်စမတ်ဖုန်း ထုတ်လုပ်တဲ့ ကုမ္ပဏီတွေရဲ့ ပြင်းထန်တဲ့ ပြိုင်ဆိုင်မှုနဲ့အတူ ၂၀၂၄ ခုနှစ် ပထမသုံးလပတ်မှာ Apple ရဲ့ စမတ်ဖုန်း ဖြန့်ဖြူးတင်ပို့မှုဟာ ရာခိုင်နှုန်းကျသွားပြီး နံပါတ် ၁ နေရာကို ဆမ်ဆောင်းက လက်လွှဲယူနိုင်ခဲ့တယ်လို့ ရိုက်တာသတင်းက ဖော်ပြပါတယ်။
အချက်အလက် သုတေသနကုမ္ပဏီ IDC ကနေ ထုတ်ပြန်တဲ့ အချက်အလက်တွေအရ ဇန်နဝါရီလကနေ မတ်လအတွင်းမှာ ကမ္ဘာ့စမတ်ဖုန်းဖြန့်ဖြူးတင်ပို့မှုဟာ ၇ ဒသမ ၈ ရာခိုင်နှုန်း တိုးလာပြီး အလုံးရေ ၂၈၉ ဒသမ ၄ သန်းအထိ ရှိလာပါတယ်။
ဆမ်ဆောင်းက ဈေးကွက်ဝေစုရဲ့ ၂၀ ဒသမ ၈ ရာခိုင်နှုန်းအထိ ရရှိခဲ့ပြီး နံပါတ်တစ်နေရာ ရောက်လာတာ ဖြစ်ပါတယ်။
ဒီဇင်ဘာမှာဆုံးတဲ့ ၂၀၂၃ နောက်ဆုံးသုံးလပတ်မှာ Apple က ရောင်းအားကောင်းခဲ့ပြီး နံပါတ်တစ်နေရာကို ဆမ်ဆောင်းဆီက လွှဲယူနိုင်ခဲ့တာပါ။
အဲဒီကာလက အိုင်ဖုန်းအသစ်ထွက်တဲ့ ရာသီကြောင့် ဖြစ်သလို အခုလည်း ဆမ်ဆောင်းရဲ့ S24 ဖြန့်တဲ့ရာသီ ဖြစ်တာကြောင့် ဆမ်ဆောင်းက ပြန်သာတာ ဖြစ်ပါတယ်။
နံပါတ် ၃ နေရာမှာ တရုတ်ကုမ္ပဏီ ရှောင်းမီ ရှိနေပြီး ဈေးကွက်ဝေစု ၁၄ ဒသမ ၁ ရာခိုင်နှုန်း ရထားပါတယ်။
Source/Photo-Reuters
