မန်စီးတီးအသင်းအပေါ် ထိန်းချုပ်လို့ မရနိုင်တော့ဟု အာဆင်နယ်နည်းပြပြော
DVB
·
April 15, 2024
အမှတ်ပေးဇယားကို ဦးဆောင်လိုက်တဲ့ မန်စီးတီးအသင်းအပေါ် ထိန်းချုပ်လို့ မရနိုင်တော့ကြောင်း အာဆင်နယ်နည်းပြ အာတေတာက ပြောသွားပါတယ်။
အာဆင်နယ်ဟာ မနေ့ညက ကစားခဲ့တဲ့ ဗီလာနဲ့ပွဲမှာ အနိုင်ရမယ်ဆိုရင် အဆင့်တစ်နေရာကို တက်လှမ်းနိုင်မှာဖြစ်ပေမဲ့ ၂ ဂိုးပြတ် ရှုံးနိမ့်ခဲ့တာကြောင့် မန်စီးတီးက အဆင့်တစ်နေရာကနေ ၂ မှတ်အသာနဲ့ ဆက်လက်ဦးဆောင်နိုင်ခဲ့တာပါ။
ချန်ပီယံဆုအတွက် ကိုယ့်ကံကြမ္မာကို ကိုယ်တိုင်ဖန်တီးလို့ မရတော့တာကြောင့် မန်စီးတီး အသင်းကို ထိန်းချုပ်လို့မရနိုင်တော့ကြောင်း၊ ကိုယ်ကစားရမယ့် လက်ကျန်ပွဲစဉ်တွေကို နိုင်ပွဲရဖို့ ကြိုးပမ်းရုံသာရှိတော့ကြောင်း အာတေတာက ပြောပါတယ်။
လက်ကျန် ၆ ပွဲအလိုမှာ မန်စီးတီးအသင်းက အာဆင်နယ်နဲ့ လီဗာပူးအသင်းတွေကို ၂ မှတ်အသာနဲ့ ဦးဆောင်ထားတာ ဖြစ်ပါတယ်။
Photo-Reuters
