မန်စီးတီးအသင်းအနေနဲ့ အခုနှစ်ဘောလုံးရာသီမှာလည်း ဆုဖလားသုံးလုံးစလုံးအတွက် တိုက်ပွဲဝင်နေရတဲ့အပေါ် ဂုဏ်ယူကျေနပ်မိကြောင်း နည်းပြဂွါဒီယိုလာက ပြောသွားပါတယ်။
မန်စီးတီးဟာ မနေ့ညက ကစားခဲ့တဲ့ လူတန်တောင်းအသင်းနဲ့ပွဲစဉ်မှာ ၅ ဂိုး ၁ဂိုးနဲ့ အနိုင်ရခဲ့ပြီး အာဆင်နယ်နဲ့ လီဗာပူးအသင်းတွေရဲ့ ပွဲစဉ်တွေမကစားခင်မှာ အမှတ်ပေးဇယားအဆင့်တစ် နေရာကို တက်လှမ်းနိုင်ခဲ့ပါတယ်။
မနှစ်ကရာသီမှာ ဆုဖလားသုံးလုံးရယူနိုင်ခဲ့သလို အခုနှစ်ရာသီမှာလည်း ဆုဖလားတွေရယူဖို့ တိုက်ပွဲဝင်နေဆဲဖြစ်ကြောင်း၊ ပရီးမီးယားလိဂ်ပွဲကစားအပြီးမှာ ရီးရဲလ်မက်ဒရစ်နဲ့ ချန်ပီယံလိဂ်ပွဲစဉ်၊ ချဲလ်ဆီးနဲ့ အက်ဖ်အေဖလားပွဲစဉ်တွေ ဆက်လက်ယှဉ်ပြိုင်ရဦးမှာဖြစ်ကြောင်း ဂွါဒီယိုလာက ပြောပါတယ်။
မန်စီးတီးအသင်းအနေနဲ့ အာဆင်နယ်နဲ့ လီဗာပူးအသင်းတို့ကို ဖိအားပေးနိုင်ခဲ့ပြီး ကိုယ့်အလုပ်ကို အကောင်းဆုံးလုပ်ဆောင်နိုင်ခဲ့တာဖြစ်ကြောင်း လူတန်အသင်းကို အနိုင်ရတဲ့ပွဲအပြီးမှာ နည်းပြဂွါဒီယိုလာက ပြောသွားပါတယ်။
Photo-Reuters
