လီဗာကူဆင်အသင်းဟာ ဂျာမန်ဘွန်ဒက်စ်လီဂါပွဲစဉ် ၂၉ မှာ ဝါဒါဘရီမင်ကို အနိုင်ရမယ်ဆိုရင်  ပထမဆုံးအကြိမ် ဂျာမန်လိဂ်ချန်ပီယံအဖြစ် အောင်ပွဲခံနိုင်တော့မှာပါ။ 

လီဗာကူဆင်အသင်းဟာ ပွဲစဉ် ၂၈ အပြီးမှာ ဒုတိယနေရာက ဘိုင်ယန်မြူးနစ်အသင်းကို ၁၆ မှတ်အထိ ဖြတ်ထားပြီး လက်ကျန် ၆ ပွဲအလိုမှာ ချန်ပီယံဖြစ်ဖို့ လက်တကမ်းအကွာကို ရောက်ရှိလာတာပါ။ 

ဒီတပတ်စနေနေ့မှာ လီဗာကူဆင်က ဝါဒါဘရီမင်ကို အိမ်ကွင်းမှာ လက်ခံကစားသွားရမှာဖြစ်ပြီး အနိုင်ရမယ်ဆိုရင် လက်ကျန် ၅ ပွဲအလိုမှာပဲ ချန်ပီယံဆုဖလားဆွတ်ခူးနိုင်မှာပါ။ 

နည်းပြအလွန်ဆို အတွက်လည်း နည်းပြဘဝသက် တမ်းတလျှောက် ပထမဆုံးအကြိမ် အမှတ်ပေး ဆုဖလားဆွတ်ခူးရရှိမှာဖြစ်ပါတယ်။ 

လီဗာကူဆင်အသင်းဟာ အခုနှစ်ရာသီမှာ ရှုံးပွဲလုံးဝ မရှိသေးတဲ့ အသင်းဖြစ်ပြီး ဂျာမန်လိဂ်မှာ စိုးမိုးထားတဲ့ ဘိုင်ယန်မြူးနစ်အသင်းကို နောက်ကောက်ချနိုင်ဖို့ လက်တကမ်းအကွာမှာ ရောက်ရှိ လာတာဖြစ်ပါတယ်။ 

Photo-Reuters