ကာဇက်စတန်တွင် ရေကြီးမှုကြောင့် အရေးပေါ်အခြေအနေ ကြေညာ
DVB
·
April 12, 2024
ကာဇက်စတန်နိုင်ငံမှာ ဆယ်စုနှစ်တွေအတွင်း အဆိုးရွားဆုံး ရေကြီးမှုတွေကြောင့် ပြည်နယ် ၁၄ ခုထဲက ပြည်နယ် ၁၀ ခုမှာ အရေးပေါ်အခြေအနေ ကြေညာခဲ့ရပါတယ်။
ကာဇက်ခ်သမ္မတ ကက်ဆင်မ် ဂျိုမာ့ထ် တိုကာယဗ်က နိုင်ငံဟာ နှစ်ပေါင်း ၈၀ အတွင်း အဆိုးရွားဆုံး ရေကြီးမှုတွေကို ကြုံတွေ့နေရလို့ ပြည်နယ် ၁၀ ခုမှာ အရေးပေါ်အခြေအနေ ကြေညာထားကြောင်း ဧပြီ ၆ ရက်မှာ ပြောကြားခဲ့ပါတယ်။
ရေကြီးမှုကြောင့် လူပေါင်း ၉၈,၀၀၀ ကျော်ကို ဘေးလွတ်ရာ ရွှေ့ပြောင်းခဲ့ရကြောင်း နိုင်ငံရဲ့ အရေးပေါ်ဝန်ကြီးဌာနက ကြာသပတေးနေ့မှာ ပြောကြားခဲ့ပါတယ်။
မတ်လနှောင်းပိုင်းကတည်းကစပြီး ကာဇက်စတန်မြောက်ပိုင်းမှာ နှင်းတွေ အရည်ပျော်ကျမှုကြောင့် ရေကြီးမှုဒဏ်ကို ပြင်းပြင်းထန်ထန် ခံစားနေကြရကြောင်း ဝန်ကြီးဌာနက အင်္ဂါနေ့မှာ ပြောကြားခဲ့ပါတယ်။
Source/Photo-Reuters
