ဘင်္ဂလားဒေ့ရှ်နိုင်ငံမှာ ၈ ရက်ကြာ အားလပ်ရက်အတွင်း အိဒ်ပွဲတော်ကို မိသားစုတွေနဲ့အတူ ကျင်းပဖို့ ထောင်နဲ့ချီတဲ့ ပြည်သူတွေဟာ ဧပြီ ၇ ရက်က ဒါကာမြို့တော်ကနေ ထွက်ခွာခဲ့ကြပြီး အိမ်ပြန်ခဲ့ကြပါတယ်။
အခုနှစ်မှာ ဘင်္ဂလားဒေ့ရှ်နိုင်ငံက မွတ်စလင်တွေဟာ ပွဲတော်ကို တနင်္ဂနွေနေ့မှာ စတင်ကျင်းပခဲ့ပြီး ဧပြီ ၁၄ ရက်မှာတော့ ဘင်္ဂါလီ နှစ်သစ်ကူးပွဲတော်ကို ကျင်းပမှာပါ။
အဲဒီနောက် သုံးရက်တာ အိဒ် အားလပ်ရက်နဲ့ ရာမာဒန် ပိတ်ရက်တွေဖြစ်လို့ အားလပ်ရက် ၈ ရက်ဆက်တိုက် ဖြစ်လာပါတယ်။
ဘင်္ဂလားဒေ့ရှ်မြို့တော် ဒါကာဟာ နိုင်ငံဒေသအနှံ့က လူပေါင်း ၂၂ ဒသမ ၄ သန်းလောက်အတွက် လာရောက်နေထိုင် အလုပ်လုပ်ကိုင်ရာမြို့ကြီးဖြစ်ပါတယ်။
တနှစ်တာရဲ့ အကြီးဆုံးနဲ့ ရက်အရှည်ကြာဆုံးဖြစ်တဲ့ မွတ်စလင်ပွဲတော်ရက်ကာလမှာ များပြားလွန်းတဲ့လူတွေဟာ ကူးတို့တွေ၊ ရထားတွေ၊ ဘတ်စ်ကားတွေနဲ့ မွေးရပ်မြေမှာရှိတဲ့ မိသားစုတွေထံက ပြန်လေ့ရှိတာဖြစ်ပြီး တချို့နှစ်တွေမှာ မတော်တဆဖြစ်မှုတွေနဲ့လည်း ကြုံခဲ့ရဖူး ပါတယ်။
Source/Photo-Reuters
