ကွင်းလယ်လူမေဆန်မောင့်ကို ချဲလ်ဆီးအသင်းက ရောင်းချဖို့ ဆန္ဒမရှိခဲ့ကြောင်း မန်ယူနည်းပြ အဲရစ် တန်ဟတ်ဂ်က ပြောသွားပါတယ်။
အင်္ဂလန်ကွင်းလယ်လူဟာ မနှစ်ကနွေရာသီအပြောင်းအရွှေ့မှာ ငယ်စဉ်ကတည်းက ကစားလာတဲ့ မိခင်ကလပ် ချဲလ်ဆီးကို စွန့်ခွာပြီး မန်ယူအသင်းဆီ ပြောင်းရွှေ့လာခဲ့တာပါ။
မေဆန်မောင့်ကို ချဲလ်ဆီးအသင်းက ရောင်းချဖို့ ဆန္ဒမရှိဘူးဆိုတာ စာချုပ်သက်တမ်းတိုးဖို့ အကြိမ်ကြိမ်ကမ်းလှမ်းမှုတွေလုပ်ခဲ့တာက သက်သေဖြစ်ကြောင်း၊ မေဆန်မောင့်ကိုယ်တိုင်က မန်ယူအသင်းဆီ ပြောင်းရွှေ့ချင်တာကြောင့် အပြောင်းအရွှေ့ဖြစ်မြောက်ခဲ့တာဖြစ်ကြောင်း နည်းပြတန်ဟတ်ဂ်က ပြောပါတယ်။
မောင့်ဟာ အလွန်ကောင်းမွန်တဲ့ ကစားသမားဖြစ်ပြီး ဒဏ်ရာအနာတရကင်းစင်နေဖို့ကတော့ အရေးကြီးတဲ့ အချက်ဖြစ်ကြောင်း နည်းပြတန်ဟတ်ဂ်က ပြောသွားပါတယ်။
မောင့်ဟာ လက်ရှိအချိန်မှာ အသင်းအတွက် ပြန်လည်ကစားပေးနိုင်ပြီဖြစ်ပြီး ဘရန့်ဖို့ဒ်နဲ့ပွဲမှာ တဂိုးသွင်းယူနိုင် ခဲ့ပါတယ်။
ဒီမနက်အစောပိုင်းက ကစားခဲ့တဲ့ ပရီးမီးယားလိဂ်ပွဲစဉ်မှာတော့ ချဲလ်ဆီးအသင်းက မန်ယူအသင်းကို ၄ ဂိုး ၃ ဂိုးနဲ့ အနိုင်ရသွားပါတယ်။
Photo-Reuters
