အစ္စလာမ္မစ်ဂျီဟတ်အကြီးအကဲ ဇီးယားဒါနာခါးလာဟာ အီရန်မြို့တော် တီဟီရန်မှာ အီရန် နိုင်ငံခြားရေးဝန်ကြီး ဟူစိန်အာမီယာအဗ်ဒူလာဟိန်နဲ့ တွေ့ချိန်မှာ ပါလက်စတိုင်းတွေအတွက် အီရန်ရဲ့ ပံ့ပိုးကူညီမှုကို မတ် ၃၀ ရက်က ချီးကျူး ပြောဆိုခဲ့ပါတယ်။

လတ်တလောနှစ်တွေအတွင်း အီရန် အစ္စလာမ္မစ်သမ္မတနိုင်ငံရဲ့ ရပ်တည်ချက်ကို ခွဲခြားသိမြင်လာရတာကိုက ပါလက်စတိုင်း ပြည်သူတွေအတွက် စဉ်ဆက်မပြတ် ပံ့ပိုးကူညီမှုပါပဲလို့ အယ်လ်နာခါးလာက ပြောပါတယ်။

ဂါဇာကမ်းမြောင်ဒေသမှာ ပါလက်စတိုင်း ၃၂,၀၀၀ ကျော် သေဆုံးခဲ့ရတဲ့ အစ္စရေးနဲ့ ခြောက်လနီးပါးကြာ စစ်ပွဲအတွင်း အီရန်က ဟားမတ်စ်တွေကို ကျောထောက်နောက်ခံ ပေးခဲ့ပါတယ်။

ဒါပေမဲ့ အီရန်အစိုးရရဲ့ ဟားမတ်စ်နဲ့ တခြား ပါလက်စတိုင်းနဲ့ လက်ဘနွန် စစ်သွေးကြွအဖွဲ့တွေအတွက် မယိမ်းယိုင်တဲ့ ပံ့ပိုးကူညီမှုဟာ အီရန်မှာ ကျယ်ကျယ်ပြန့်ပြန့် ရေပန်းစားတဲ့ ထောက်ခံမှုတော့ မရှိပါဘူး။

အီရန်အစိုးရက ဟားမတ်စ်နဲ့ ဟစ်ဇ်ဘိုလာတို့ကို ပေးနေတဲ့ ငွေကြေးအမြောက်အမြားဟာ ပြည်တွင်း စီးပွားရေး ဖွံ့ဖြိုးတိုးတက်မှုအတွက် ပိုလိုအပ်တယ်လို့ ပြည်သူအများအပြားက ညည်းညူပြောဆိုနေကြပါတယ်။

Source/Photo-Reuters