အင်္ဂလန်အသင်း ဘရာဇီးကို ရှုံးနိမ့်ပြီး ၂၁ ပွဲဆက် အိမ်ကွင်းရှုံးပွဲမရှိ မှတ်တမ်းရပ်တန့်
DVB
·
March 24, 2024
မတ် ၂၃ ရက် မနေ့ညက ကစားခဲ့တဲ့ခြေစမ်းပွဲစဉ်မှာ အင်္ဂလန်အသင်းက ဘရာဇီးကို ရှုံးနိမ့်ပြီး ၂၁ ပွဲဆက်တိုက် အိမ်ကွင်းမှာ ရှုံးပွဲမရှိမှတ်တမ်း ရပ်တန့်သွားခဲ့ရပါတယ်။
အင်္ဂလန်အသင်းမှာ အဓိက ကစားသမားဖြစ်တဲ့ ဟယ်ရီကိန်းနဲ့ ဆာကာတို့ မပါဝင်နိုင်ခဲ့တာကြောင့် အားနည်းချက်တွေဖြစ်ခဲ့ပြီး ဘရာဇီးကို ရှုံးနိမ့်ခဲ့ရတာပါ။
ဘရာဇီးအသင်းအတွက် အနိုင်ဂိုးကို ပွဲချိန် ၈၁ မိနစ်မှာ အသက် ၁၇ နှစ်သာရှိသေးတဲ့ အန်ဒရစ် က သွင်းယူနိုင်ခဲ့တာပါ။ သူဟာ လာမယ့်ရာသီမှာ ရီးရဲလ်မက်ဒရစ်ဆီ ပြောင်းရွှေ့ကစားမယ့်သူလည်း ဖြစ်ပါတယ်။
တပွဲစလုံးမှာ ဘရာဇီးက အပိုင်းအခွင့်အရေး ၇ ကြိမ်အထိရရှိခဲ့ပြီး ဂိုးသမားပစ်ဖို့ဒ် ကာကွယ်နိုင်ခဲ့လို့သာ တဂိုးထက် ပိုမပေးခဲ့ရတာ ဖြစ်ပါတယ်။
ဒီရှုံးပွဲဟာ ယူရို ၂၀၂၄ ပြိုင်ပွဲမတိုင်ခင် နည်းပြဆောက်ဂိတ်အတွက် ဖိအားများသွားစေတဲ့ ရှုံးပွဲဖြစ်သွားခဲ့ပါတယ်။
Photo-Reuters
