မတ် ၁၆ ရက် မနေ့ညက ကစားခဲ့တဲ့ ပရီးမီးယားလိဂ်ပွဲစဉ်မှာ ဖူဟမ်အသင်းကို ၃ ဂိုး ပြတ်နဲ့ ရှုံးနိမ့်ခဲ့တာက လက်ခံနိုင်စရာမရှိဘူးလို့ စပါးအသင်းခေါင်းဆောင် ဆွန်ဟောင်မင်က ပြောသွားပါတယ်။

စပါးအသင်းဟာ ချန်ပီယံလိဂ်ဝင်ခွင့်အတွက် အရေးပါတဲ့ ပွဲစဉ်မှာ အမှတ်ဗလာနဲ့  အိမ်ပြန်ခဲ့ရတာ ဖြစ်ပြီး လန်ဒန်ပြိုင်ဘက် ဖူဟမ်ကို ၃ ဂိုး ဂိုးမရှိနဲ့ရှုံးနိမ့်ခဲ့တာပါ။

ကစားသမားတိုင်းဟာ မိမိကိုယ်ကိုယ် မှန်ထဲမှာ ပြန်ကြည့်ပြီး ငါ့အမှားကြောင့် ရှုံးနိမ့်ခဲ့ရတာလို့ ပြောဆိုသင့်ပြီး လုံလောက်တဲ့ စွမ်းဆောင်ရည်မပြသနိုင်ခဲ့တာကြောင့် ရှုံးပွဲ တွေ့ခဲ့ရတာဖြစ်ကြောင်း ဆွန်ဟောင်မင်က ပြောပါတယ်။

အလွန်စိတ်ပျက်စရာကောင်းတဲ့ ရလဒ် ဖြစ်ပြီး အသင်းသားအားလုံးအတွက်  ကြီးမားတဲ့ သတိပေး ခေါင်းလောင်သံ ဖြစ်ကြောင်း ဆွန်ဟောင်မင်က ပြောသွားပါတယ်။

စပါးအသင်းဟာ ဒီပွဲအရှုံး ရလဒ်ကြောင့် အဆင့် ၄ နေရာကို တက်လှမ်းနိုင်မယ့် အခွင့်အရေးလွဲ ချော်သွားခဲ့ပြီး ဗီလာနဲ့ ၂ မှတ်ကွာဟသွားခဲ့ရပါတယ်။ 

Source/Photo-REUTERS/Dylan Martinez