ရာသီအကုန်မှာ ထွက်ခွာသွားတော့မယ့် နည်းပြကလော့ပ်အတွက် ဆုဖလားအားလုံး ရယူပေးဖို့ အသင်းသားတိုင်းက ဆန္ဒရှိကြောင်း လီဗာပူးနောက်ခံလူ ကော်နာဘရက်ဒ်လေက ပြောပါတယ်။
လီဗာပူးအသင်းဟာ လိဂ်ဖလား တလုံး ရရှိထားပြီး ပရီးမီးယားလိဂ်မှာ ချန်ပီယံဆုအတွက် မျှော်လင့်ခွင့်ရှိနေသလို အက်ဖ်အေဖလားမှာလည်း ကွာတားဖိုင်နယ်အထိ တက်ရောက်နေတာပါ။
မနေ့ညက ကစားခဲ့တဲ့ ယူရိုပါလိဂ်ပြိုင်ပွဲမှာလည်း ပြိုင်ဘက် စပါတာပရပ်ကို ၆ ဂိုး ၁ ဂိုးနဲ့ ထပ်မံ အနိုင်ရခဲ့ပြီး နှစ်ကျော့ပေါင်းရလဒ် ၁၁ ဂိုး ၂ ဂိုး နဲ့ အနိုင်ယူခဲ့တာပါ။
နည်းပြလော့ပ် ထွက်ခွာမယ့် အခြေအနေက ဝမ််နည်းစရာဖြစ်ပြီး သူ့အတွက် ရနိုင်သမျှ ဆုဖလားတွေ ရယူပေးဖို့က အသင်းသားတွေရဲ့ ဆန္ဒဖြစ်ကြောင်း လူငယ်နောက်ခံလူ ဘရက်ဒ်လေ က ယူရိုပါလိဂ်ပွဲစဉ်အပြီးမှာ ပြောပါတယ်။
ဆုဖလားတွေရယူပေးလိုက်တာကပဲ နည်းပြကလော့ပ်အပေါ် အကောင်းဆုံး နှုတ်ဆက် လက်ဆောင်ဖြစ်ကြောင်း ဘရက်ဒ်လေက ပြောပါတယ်။
Photo-Reuters
