အမေရိကန်-မက္ကဆီကိုနယ်စပ်မှာ ကင်းလှည့်နေတဲ့ အမျိုးသားအစောင့်တပ်က ရဟတ်ယာဉ်တစင်း ပျက်ကျရတဲ့ အကြောင်းရင်းကိုလည်း အမေရိကန် တာဝန်ရှိသူတွေက စုံစမ်းစစ်ဆေးနေပါတယ်။

နယ်စပ်တလျှောက် ကင်းလှည့်တာဝန်ထမ်းဆောင်နေတဲ့ ရဟတ်ယာဉ်တစင်းဟာ တက္ကဆက်ပြည်နယ်မှာ မတ်လ ၈ ရက်က ပျက်ကျခဲ့တာဖြစ်ပြီး  ရဟတ်ယာဉ်ပေါ် လိုက်ပါလာတဲ့ စစ်သား ၂ ဦးနဲ့ အမေရိကန်နယ်ခြားစောင့် ရဲ ၁ ဦးတို့ သေဆုံးခဲ့တဲ့ကာ တခြားစစ်သား ၁ ဦး ဒဏ်ရာရရှိခဲ့တယ်လို့ စစ်ဘက်အရာရှိတွေက ပြောကြားခဲ့ပါတယ်။ 

UH-72 လာကိုတာ ရဟတ်ယာဉ်ဟာ တက္ကဆက်ပြည်နယ် ရီယိုဂရန်ဒီမြို့ အနီးမှာ မွန်းလွဲ ၂ နာရီ ၅၀ မိနစ်လောက်က ပျက်ကျခဲ့တာဖြစ်ကြောင်း အမေရိကန်စစ်တပ်က ပြောပါတယ်။ 

နယ်စပ်မှာ ဝေဟင်ကနေ စောင့်ကြည့်ခြင်းနဲ့ ထောက်လှမ်းခြင်း စစ်ဆင်ရေးတွေကို လုပ်ဆောင်နေချိန်မှာပဲ ရဟတ်ယာဉ်ပျက်ကျရတဲ့ အကြောင်းရင်းကိုလည်း တာဝန်ရှိသူတွေက စုံစမ်းစစ်ဆေးနေပါတယ်။

အဲဒီရဟတ်ယာဉ်ကို ဖက်ဒရယ် အနောက်တောင် နယ်စပ်ထောက်ပံ့ရေးမစ်ရှင်ကို တက္ကဆက်ပြည်နယ် ဖော့ထ်ဘလစ်စ်ရှိ စစ်တပ်ကင်းစခန်းနဲ့တွဲဖက်ပြီး မြောက်ပိုင်း ပူးပေါင်းတပ်ဖွဲ့ နဲ့အတူ တာဝန်ပေးအပ်ခဲ့တယ်လို့လည်း ဆိုပါတယ်။

Source/Photo - Reuters