နယူးယောက်မြို့ရဲ့ လူစည်ကားတဲ့ မြေအောက်ရထားဘူတာရုံတွေမှာ ခရီးသည်တွေရဲ့ အိတ်တွေကို စစ်ဆေးမယ့် မြို့တော်ရဲတပ်ဖွဲ့ကို ကူညီဖို့အတွက် ပြည်နယ်ရဲ့ အမျိုးသားအစောင့်တပ်ဖွဲ့မှ စစ်သား ၇၅၀ ကို စေလွှတ်မှာဖြစ်ကြောင်း နယူးယောက် ပြည်နယ်အုပ်ချုပ်ရေးမှူး ကေသီဟိုချူးလ်က ပြောပါတယ်။

မတ်လ ၇ ရက်နေ့မှာတော့ မြေအောက်ရထားဘူတာအနီးရှိ ဂရန်းစင်ထရယ်လ် တာမီနယ်လ်နဲ့ ပန်းန် ဘူတာရုံတို့မှာ အမျိုးသားအစောင့်တပ်သားတွေကို တွေ့မြင်ရပါတယ်။

နောက်ထပ် နယူးယောက်ပြည်နယ် ရဲတပ်ဖွဲ့က အရာရှိ ၂၅၀ နဲ့ ပြည်နယ်ထိန်းချုပ်မြို့တော် သယ်ယူပို့ဆောင်ရေး အာဏာပိုင် ရဲတပ်ဖွဲ့တို့လည်း ပူးပေါင်းဆောင်ရွက်ခဲ့ကြောင်း ဟိုချူးလ်က မတ်လ ၆ ရက်နေ့မှာ ပြောကြားခဲ့ပါတယ်။

သိပ်မကြာသေးခင်က ခရီးသည်တွေနဲ့ ဘူတာဝန်ထမ်းတွေအကြား လူသိများတဲ့ တိုက်ခိုက်မှုတွေကို တုံ့ပြန်တဲ့အနေနဲ့ ခုလို တပ်ချ တာဝန်ပေးထားမှုကို ကြေညာခဲ့တာပါ။

ဒါပေမဲ့ ကြာသပတေးနေ့မှာ သတင်းထောက်တွေဟာ နောက်ထပ် အပိုဆောင်း အမိန့်ဥပဒေ တည်ရှိမှုကို အတည်မပြုနိုင်သေးပါဘူး။

တာမီနယ်လ်နဲ့ ပန်းန် ဘူတာရုံတို့က အမျိုးသားအစောင့်တပ်တွေကတော့ သူတို့ အဲဒီနေရာမှာ တပ်စွဲထားတာ နှစ်ချီနေပြီဖြစ်ပြီး အဆောက်အဦတွေအနားမှာ နောက်ထပ် တပ်ဖွဲ့ဝင် အနည်းငယ်သာ သွားလာနေကြကြောင်း သတင်းထောက်တွေကို ပြောကြားခဲ့ပါတယ်။

ဒါပေမဲ့ ရိုက်တာသတင်းထောက်တဦးက ခရီးသည်အိတ်တွေကို စစ်ဆေးဖို့အတွက် MTA ရဲအရာရှိတွေဟာ စစ်ဆေးရေးဂိတ်တခု ဖွင့်လှစ်နေတာကို တွေ့မြင်ခဲ့ပါတယ်။

Source/Photo-Reuters