ရိုးမားအသင်းက ဘရိုက်တန်ထက် တဆင့်ပိုမြင့်တဲ့အသင်းဖြစ်ကြောင်း ဘရိုက်တန်နည်းပြ ဒီဇာ ဘီက ဝန်ခံပါတယ်။
မတ်လ ၇ ရက် မနေ့ညက ကစားခဲ့တဲ့ ယူရိုပါလိဂ် ရှုံးထွက်အဆင့် ပထမအကျော့မှာ ဘရိုက်တန်အသင်းက အဝေးကွင်းမှာရိုးမားကို ၄ ဂိုး ဂိုး မရှိနဲ့ ရှုံးနိမ့်ခဲ့တာပါ။
ဘရိုက်တန်အသင်းအနေနဲ့ အကောင်းဆုံးစွမ်းဆောင်ရည် ထုတ်ပြနိုင်ခဲ့ပေမဲ့ ဒီလိုပြိုင်ပွဲအဆင့်မှာ ယှဉ်ပြိုင်ကစားဖူးတဲ့ အတွေ့အကြုံ မရှိကြောင်း၊ ရိုးမားအသင်းက အတွေ့အကြုံ ပိုရှိတဲ့ အသင်းဖြစ်ပြီး ဘရိုက်တန်အသင်းထက် တဆင့်ပိုမြင့်တဲ့အသင်းဖြစ်ကြောင်း နည်းပြ ဒီဇာဘီက ပြောပါတယ်။
ဒါ့အပြင် ဒဏ်ရာရ ကစားသမားတွေ အများကြီးရှိနေတာကလည်း အသင်းကို အခက်တွေ့စေခဲ့ ကြောင်း ပြောပါတယ်။
ဘရိုက်တန်အသင်းဟာ အားထားရတဲ့ ကစားသမားတွေဖြစ်တဲ့ မီတိုမာ၊ ဆိုလီမက်ချ်၊ ပတ်ဒရို အစရှိတဲ့ တိုက်စစ်ကစားသမားတွေ ဒဏ်ရာရနေပြီး နောက်ဆုံး ၃ ပွဲဆက်တိုက် ရှုံးနိမ့်ထားပါတယ်။
Photo-Reuters
