လက်ရှိ ကမ္ဘာ့အကောင်းဆုံးတိုက်စစ်မှူးသုံးဦးက ဘယ်သူတွေလဲဆိုတာကို အင်္ဂလန်နဲ့ မန်ယူတိုက်စစ်မှူးဟောင်း အန်ဒီကိုးလ်က ထုတ်ဖော်ပြောသွားပါတယ်။
ESPN နဲ့ အင်တာဗျူးမှာ လက်ရှိ ကမ္ဘာ့အကောင်းဆုံးတိုက်စစ်မှူးသုံးဦးကို အန်ဒီကိုးလ်က ပြောပြခဲ့ပြီး ပရီးမီးယားလိဂ်က တိုက်စစ်မှူးတွေကို ထည့်သွင်းပြောသွားတာ မရှိခဲ့ပါဘူး။
ပိုလန်တိုက်စစ်မှူး လီဝန်ဒေါစကီးကို အရင်ဆုံး ညွှန်းဆိုပြောသွားခဲ့ပြီး ဘင်ဇီမာနဲ့ စီရော်နယ်ဒိုတို့ဟာ အကောင်းဆုံးတိုက်စစ်မှူးတွေ ဖြစ်ကြပြီး ပွဲစဉ်တွေနဲ့ အသင်းနည်းပြအတွက် အပြောင်းအလဲတွေ ပေးစွမ်းနိုင်သူတွေဖြစ်တယ်လို့ အန်ဒီကိုးလ်က ချီးကျူးပါတယ်။
လီဝန်ဒေါစကီးဟာ လက်ရှိအချိန်မှာ ဘာစီလိုနာအသင်းမှာ ကစားနေဆဲဖြစ်ပြီး ဘိုင်ယန်မြူးနစ်မှာ ကစားစဉ်က အကောင်းဆုံးခြေစွမ်းပြကာ သွင်းဂိုးတွေ သွင်းယူနိုင်ခဲ့သူပါ။
ဘင်ဇီမာနဲ့ စီရော်နယ်ဒို တို့ဟာ ရီးရဲလ်မက်ဒရစ်ကလပ်မှာ အတူခြေစွမ်းပြခဲ့ပြီး လက်ရှိအချိန် ဆော်ဒီကလပ်တွေမှာ ပြောင်းရွှေ့ကစားနေကြပါတယ်။
Photo-Reuters
